Allagarsiuteqqitaq - Kultureqarnermut, atuartitaanermut kiisalu sunngiffimmi sammisassaqartitsinermut pisortaq

Matumuuna Kultureqarnermut, Ilinniartitaanermut kiisalu Sunngiffimmi sammisassaqartitsinermut Pisortatut atorfik maanna 1. december 2015 imaluunniit isumaqatigiissuteqarnikkut atorfinittussamik inuttassarsiuunneqarpoq.
Qinnuteqarfissaq:
17. november 2015
Sumi:
Ilulissat
Akissarsiat:
Isumaqatigiissut malillugu

Kultureqarnermut, atuartitaanermut kiisalu sunngiffimmi sammisassaqartitsinermut pisortamik pissarsiorpoq 


Atorfimmi akisussaaffeqarfiit- aamma oqartussaaffeqarfiit 

 Atorfik akisussaaffinnik makkuninnga imaqarpoq:

  • Ulluunerani neqerooruteqarneq
  • Atuarfeqarfik
  • PPR
  • Kultureqarneq- aamma Sunngiffik
  • Kultureqarnermut, Atuarfeqarnermut aamma Sunngiffimmut Ataatsimiititaliaq
  • Suliassaqarfinni makkunani periusissanik kiisalu politikkissanik suliarinninneq

Naalakkersuinikkut suliaqarnermut atatillugu suliassat:

  • Kultureqarnermut, Atuarfeqarnermut aamma Sunngiffimmut Ataatsimiititaliamut allattaaneq
  • Avataani suleqatigisanut isumaqatigiissutinut akisussaaneq
  • Naalakkersuinikkut ataatsimiititalianut politikkissanik aamma periusisssanik siunnersuusiorneq
  • Naalakkersuinikkut aalajangiiffigisassanik oqartussaaffeqarfiit pillugit pilersaarusiat misissuataarneqarnissaannik suliarinninneq

Aqutsinermut tunngatillugu suliasssat:

  • Pisortaqatigiit ulluinnarni sulineranni kiisalu ataatsimiinneranni peqataaneq
  • Borgmesterimut, ataatsimiititaliami siulittaasunut kiisalu oqartussaaffeqarfinni pisortaqatigiinnut qimoqataallunilu siunnersortaaneq

Sulisunut kiisalu sullissinermilu atuuffinni suliassat:

  • Suliassaqarfiup sulisuinut tamanut akisusaaneq
  • Inatsisit atuuttut attanneqarnissaannut akisussaaneq
  • Periusissat naalakkersuinikut aalajangiunneqartutulli piviusunngortinnissaanut akisussaaneq
  • Innuttaasunik sullissiviit sunniuteqarluartumik kiisalu eqqortumik siunnersorneqarnerannut akisussaaneq

Pisortaanermut toqqaannartumik qullersaqarputit kiisalu ingerlatsivimmi pisortanut allanut qanittumik suleqateqarnissaq piumasarineqarpoq.

Qinnuteqartoq aqutsisoqatigiinnut suleqatigiilluarfiusumut ilumoorsarfiunngitsumullu ilanngutissaaq.

Piginnaasassatut kissaatigineqartut 

Naatsorsuutigineqarpoq qinnuteqartoq suliffimmi naalakkersuinikkut aqunneqartumi misilittagaqartuunissaa kiisalu aqutsineq aamma periutsit immikkut sammisaralugit ilinniagaqarsimasasoq. Sullivimmi qanimut suleqatiginnilluarsinnaaneq kiisalu pisuni ulapaarfiusuni takunnissinnaassuseqarneq qinnuteqartumit pigineqartariaqarmat pingaaruteqarpoq.

Kulturikkut marloqiusamik avatangiiseqarluni sullivimmi qinnuteqartoq suleqatigiilluarnissamik aallartitsisinnaasariaqarpoq, soorlu aammattaaq inuttut piginnaasat annertuumik oqimaalutaanissat pingaartinneqartinneqartoq.

Piginnaasat makku pingaartinneqarput:

  • Suliffeqarfimmi naalakkersuinikkut aqunneqartumi sulinermi misilittakkat annertuut
  • Kalaallit Nunaanni pissutsinut sukumiisumik ilisimasaqarneq – ingammik Avannaanut – kiisalu Kalaallit Nunaanni inatsisiliornermut suliamut attuumasumik ilisimasaqarneq
  • Kulturimut- aamma inunnut ingammik pissutsinut immikkut ittunut, inuiaqatigiinni marluinnik oqaaseqarfiusumut paasinninneq ilisimasaqarnerlu
  • Kalaallisut, tuluttut kiisalu danskisut oqaatsinik atuisinnaaneq
  • Attaveqaqatigiinnermi piginnaasat pitsaasut

Akissarsiat aamma sulinermi atugassarititaasut 

Atorfininneq IMAK-ip isumaqatigiissuttaa malillugu pissooq.

Atorfimmut atatillugu inimik innersuussisoqarsinnaavoq, qularnaveeqqutinut/inimut akiliummut malittarisassat sukkulluunniit atuuttut naapertorlugit akiliisoqartassaaq.

Pineqaatissinneqarsimannginnermut uppernarsaat kiisalu meeqqanut pinerliisimanngiinermut uppernarsaat takutinneqarpat atorfinninneq pissaaq.

Paasissutissat allat Pisortaanermut Hans Eriksen-imut qarasaasiakkut uunga allalluni: hae@qaasuitsup.gl imaluunniit oqarasuaat + 299 94 78 02 atorlugu pissarsiarineqarsinnaapput.

Qinnuteqarfissaq kingulleq 

Qinnuteqaat ilinniaqarsimanermut kiisalu siornatigut suliffigisimasanut paasissutisssanik ilaqartoq, soraarummeernermi uppernarsaatit assilineri il.il. Sulisoqarnermut Immikkoortortaqarfiup kingusinnerpaamik ulloq 17. november 2015 tigoreersimassavai.

Qinnuteqaat uunga nassiunneqassaaq 

Qaasuitsup Kommunia

Att. Sulisoqarnermut Immmikoortortaqarfik

Postboks 1023

3952 Ilulissat

Imaluunniit e-mail-ikkut: hr@qaasuitsup.gl