Allagarsiuteqqitaq - Miljøarbejder

Qaasuitsup Kommuneani immikkoortortaqarfimmi Kangaatsiami miljøarbejder-itut atorfik inuttassarsiuunneqarpoq piaartumik imaluunniit isumaqatigiissuteqarnikkut sulilersussamik.
Qinnuteqarfissaq:
18. oktober 2015
Sumi:
Kangaatsiaq
Akissarsiat:
Isumaqatigiissut malillugu

Qaasuitsup Kommunia Kangaatsiami miljøarbejder-imik pissarsiorpoq 

Miljøarbejderitut atorfik Kangaatsiap illoqarfiani meeqqat, inuusuttut ilaqutariillu akornanni pitsaaliuinermik suliaqarfiuvoq. Qaninnertut pisortarissavat Kangaatsiami Ilaqutariit Illuanni aqutsisoq.

Miljøarbejderip ilaqutariinnut siunnersuisartoq qanimut suleqatigilluinnarlugu suliaqartarpoq, najukkamilu Ilaqutariit Illuani atorfilittat suleqatigissavai aamma nunap immikkoortuani meeqqanik sullissisut allat suleqatigissallugit.

Inuk atorfinitsitassarput namminersorluni sulisinnaassaaq, tatiginartuulluni, attaveqaqatigiinnermut pikkorissalluni kiisalu suliffimmut aalajaatsussalluni, tarnimigullu patajaalluni.

Miljøarbejderitut ilaatigut makku suliassarissavatit 

  • Miljøarbejderip meeqqap/inuusuttuaqqap ulluinnarni inuunera malinnaaffigissavaa, ajornartorsiutaa suunersoq allaavigalugu piffissami ajornartorsiutaasup nalaani sulisassalluni.
  • Meeqqap/inuusuttup avatangiisii qanoq ittuunersut misissussavai, taakkunanilu ajornartorsiummik nassaaruni Inunnik Isumaginnittoqarfik angajoqqaallu suleqatigalugit ajornartorsiummik aaqqiiniassalluni.
  • Sullitani pinerluttarsimappat sunngiffimmi soqutigisai malillugit aaqqiiniartassalluni.
  • Meeraq/inuusuttuaraq angajoqqaaminik ilaginnangaappat atuariartortarnissaa /suliartortarnissaa isumagissavaa.
  • Sullitami eqqiluisaarnissaa aammalu naammaginartumik nerisaqarnissaa isumagisassallugu.
  • Angajoqqaat/angajoqqaarsiat nukissaqanngippata atuarfimmik/suliffimmik attaveqarneq suleqateqarnerlu ingerlatissallugit.
  • Pisariaqartitsineq naapertorlugu napparsimaveqarfimmiik, politeeqarfimmiik taakkunanngalu pinaveersaartitsinermi attuumassuteqartuni suliffeqarfinnik assigusuni suleqateqarneq ingerlatissallugu.
  • Pilersaarutilimmik angusaqarniarnermi suliniutit piviusunngortinnissaat isumagissallugit.

Miljøarbejderip naatsorsuutigissavaa nikerartumik sulisarnissani, tassani apeqqutaatillugu meeraq/inuusuttuaraq nakkutigisassaq sutigut pisariaqartitsinersoq.

Taakku saniatigut atorfik pillugu akisussaaffiit allaaserinninnerillu innersuussutigineqarput, taakku Kangaatsiami Inunnik Isumaginninnermi allaffiup aqutsisuanut saaffiginnilluni pissarsiarineqarsinnaapput.

Piginnaasat kissaatigineqartut 

Isumaginninnermik, peqqissaanermik imaluunniit perorsaanermik ilinniagalik.

Akissaatit atorfininnermilu atugassarititaasut 

Atorfininnermi atugassarititaasut Naalakkersuisut peqatigiiffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.

Atorfimmut atatillugu inissaqartitsisoqanngilaq.

Pinerlussimannginnermut uppernarsaatit naammaginartut tunngavigalugit atorfinitsitaaneq pissaaq, taakkulu qinnuteqartup akuersineratigut Rigspolitiinit sulisitsisumiit piumaneqassapput.

Atorfik pillugu paasissutissat allat Kangaatsiami Inunnik Isumaginninnermut allaffimmi aqutsisumut, Ane Grethe Filemonsenimut, oqarasuaat 87 21 32, imaluunniit mail: agfi@qaasuitsup.gl atorlugu saaffiginninnikkut piniarneqarsinnaapput.

Qinnuteqarfissaq kingulleq 

Qinnuteqaat ilinniarsimanermut siornatigullu sulisimanermut paasissutissanik imalik, ilanngullugit soraarummeernermut il. il. allagartat, Sulisoqarnermut Immikkoortortaqarfimmut apuutereersimassapput kingusinnerpaamik oktober 2015.

Qinnuteqaat uunga nassiunneqassaaq 

Qaasuitsup Kommunia

Att. HR-afdelingen

Postboks 1023

3952 Ilulissat

Imaluunniit e-mail-ikkut: hr@qaasuitsup.gl