Elevhjemmemi pisortaq

Elevhjemmemi Pisortatut atorfik inuttassarsiuunneqarpoq, decemberip aallaqqaataaniit 2015-mi aallartittumik imaluunniit isumaqatigiinnikkut.
Qinnuteqarfissaq:
29. oktober 2015
Sumi:
Uummannaq
Akissarsiat:
Efter overenskomst

Qaasuitsup Kommuniani Uummannami elevhjemmemi pisortamik pissarsiorpoq 

Uummannap nunaqarfiini meeqqat 9. aamma 10. klassimi atuartut, Atuarfik Edvard Krusemi atuartussanik Elevhjemmi tigusisarpoq.

Pisortap saniatigut ukuninnga aamma sulisoqarpoq: Perorsaanermut Ikiortit pingasut, iggavimmioq ataaseq, eqqiaasoq ataaseq.

Atorfimmut atatillugu inissaqartitsisoqarpoq, taannalu najugaqartussaatitaaffiulluni.

Qaninnertut qullersarineqassooq Atuarfik Edvard Krusemi Atuarfiup Pisortaata Tullia.

Isumaqatigiissut atuuttoq malillugu Pisortaq akissaasersorneqassooq. Naatsorsuutigineqassooq weekendini sulisarnissaq kiisalu nakkutilliisinnaaneq pigaartuusinnaanerlu.

Suliassat ilaatigut makkuninnga ilaqarput 

  • Elevhjemmimi najugaqartunik nakkutilliineq, ilitsersuineq/siunnersuineq.
  • Angajoqqaat sinnerlugit makkuninnga isumaginninneq:
  • Atuartut atuarneri nakkutigalugit – angajoqqaanut atuarfimmullu attaveqarneq.
  • Aqutsinermi allaffissorneq – pigaartuuffissanik aaqqissuineq assigisaanillu.
  • Sulisunik aqutsineq.
  • Aningaasaqarneq / missingersuutinillu akisussaaneq, Atuarfik Edvard Krusemi qullersat suleqatigalugit. 

Piginnaasanik kissaatigisat 

Kissaatigaarput qinnuteqartut perorsaasutut ilinniagaqarsimassasut imaluunniit isumaginninnermi ikiortitut ilinniagaqarsimassasut, pikkorissarnernik meeqqanut-/inuusuttuaqqanullu isumaginninnermik imalinnik ilaqartunik.

  • Meeqqanut-/inuusuttuaqqanullu perorsaanermik sullitaqarsimanermut misilittagaqarnissaq.
  • Isumaginninnerup tungaatigut misilittagaqarnissaq, pingaartumik angajoqqaanut-/ meeqqanullu ilitsersuinermik.
  • Namminersortoq.
  • Utaqqisinnaassusilik isornartorsiunngittorlu.
  • Tarnimikkut nukittooq.
  • Akerleriinnernik aqutsisinnaasoq.
  • Sungiussiasoq ineriartortitsinissamillu piumassusilik. 

Meeqqanik pinerliisimannginnermik uppernarsaat 

  • Atorfimmut tassunga pisussaatinneqarpoq meeqqanik pinerlissimannginnermik uppernarsaammik piniarnissaq. Inatsit malillugu atorfininneq aatsaat aallartissinnaavoq Kommuni meeqqanik pinerliisimannginnermik uppernarsaat aareerunikku. Taamaattumik erseqqissaatigissavarput, Kommunip meeqqanik pinerliisimannginnermik uppernarsaat Rigspoliteeqarfimmiit tigoreerunikku aallartiffissaq isumaqatigiissutigineqassammat.

Qinnuteqarfissaq kingulleq 

Qinnuteqaat CV-mik, soraarummeersimanermut uppernarsaat oqaaseqaatinillu imalik Atuarfik Edvard Kruse-mut, 3961 Uummannaq nassiunneqassooq kingusinnerpaamik 29. oktober 2015.

Atorfimmut tassunga sukumiinerusumik paasisaqarusukkuit uunga saaffiginnillutit pisinnaavatit: Atuarfik Edvard Kruse – Uummannaq, oqarasuaat: 95 45 39 / 95 45 40 imaluunniit mailikkut: jegu@qaasuitsup.gl.

Qinnuteqaat uunga nassiunneqassaaq 

Qaasuitsup Kommunia

Sulisoqarnermut Immikkoortortaqarfik

Postboks 1023

3952 Ilulissat

Imaluunniit e-mail-ikkut: hr@qaasuitsup.gl