Allagarsiuteqqitaq - Pisortatigut ikiorsiisarnermik sullissisoq

Kommunitta innuttaasunut ikiunissamut pisussaaffianik innuttaasunut pisariaqartitsisunut sullisseqataarusuppit? Qaasuitsup Kommunia Qeqertarsuarmi Pisortatigut Ikiorsiisarnermi Sullissisumik pissarsiorpoq 1. November 2015 isumaqatigiissuteqarnikkulluunniit atorfinittussamik.
Qinnuteqarfissaq:
25. oktober 2015
Sumi:
Qeqertarsuaq
Akissarsiat:
Isumaqatigiissut naapertorlugu

Qaasuitsup Kommunia Qeqertarsuarmi pisortatigut ikiorsiisarnermut sullissisumik pissarsiorpoq 

Isumaginnittoqarfimmi aningaasatigut sullissisut allat suleqatigissavatit, Immikkoortortami Aqutsisoq qaninnertut qullersarissallugu.

Suliassaqarfiit akisussaaffiillu ilaatigut makkuussapput 

  • Innuttaasut saaffiginnittut aningaasaqarnerisa misissuiviginerat kiisalu aningaasaqarnikkut siunnersornissaat.
  • Aningaasaqarnikkut misissuineq tunngavigalugu pisortaniit ikiorsiissutinik tunisisoqassanersoq aaliangiiffigisarlugu. Suliaqarfiup iluani aaliangersakkat tunngavigalugit.
  • Innuttaasunik aningaasaqarnikkut siunnersuineq.
  • Periusissatut iliuussanik inuttaasoq peqatigalugu suliaqarneq.
  • Innuttaasut pisortanik ikiorsiissutinik pisartut ataavartumik malinnaaffiginerat.
  • Pisortaniit ikiorsiissutinik pisartagaqarnissamut peqqussutit suliaatsillu malinneqarnissaannik qulakkeerinneqataassaatit.
  • Pigasuartumik ikiorserneqarnissamik saaffiginnissutit suliarineri.
  • Siusinaartumik utoqqalinersiuteqalernissamut qinnuteqartunik sullissineq.
  • Pisortatigut ikiorsiisarneq pillugu nunaqarfinni suleqatinut ikiusisarneq oqaloqatiginnittarnerlu.

Tamakkua saniatigut innersuussutigineqarpoq atorfiup imarisaataa akisussaaffiullu allaatiginninneqarnera Ilulissani Isumaginninnermut immikkoortortami Aqutsisumut piniarneqarsinnaasoq.

Piginnaasat 

  • Isumaginninnermi Siunnersortitut ilinniarsimaneq, Rådgivningsassistent-itut ilinniarsimaneq, HK-tut ilinniarsimaneq isumaginninnermi inatsisilerinermut pikkorissarsimanernik ilalik imaluunniit Isumaginninnermi Ikiortitut isumaginninnermi inatsisilerinermut pikkorissarsimanernik ilalik imaluunniit taamatut pikkorissarnissamut piumassuseqarneq.
  • Isumaginnittoqarfimmi aningaasatigut sullissinermik misilittagaqarneq.
  • Tulleriissaarisinnaaneq, tatiginassuseqarneq, tunniusimaneq, akisussaassuseqarlutit maligassiuisinnaallutillu, pissuserissaarnissamut piumasaqaat naammasisinnaallugu.
  • Sullitanik attaveqarsinnaaneq oqaloqateqarsinnaanerlu.
  • Inuk uannga atorfimmik tigummiartussaq tarnikkut nukittuujusariaqarpoq.

Akissaatit atorfininnermilu atugassarititaasut 

Atorfininnermi atugassarititaasut Naalakkersuisut peqatigiiffiullu isumaqatigiinniarsinnaa-titaasup akornanni isumaqatigiissut atuuttoq naapertorlugu atorfinitsitaaneq pissaaq.

Atorfimmut atatillugu inissaqartitsisoqarpoq inatsisit atuuttut naapertorlugit.

Naammaginartumik pinerlussimannginnermut uppernarsaat aamma meeqqanik pinerliisimannginnermik uppernarsaat atorfininnissamut piumasaqaataavoq. Taakku atorfinittussap atsiorluni akuersinerata kingorna atorfinitsitsisussamiit Naalagaaffiup politiivinut (Rigspolitiet) pissarsiarineqassapput.

Atorfik pillugu paasissutissat allat immikkoortortami Qeqertarsuarmi Isumaginninnermut immikkoortortami aqutsisumut Gerda B. Heilmann oqarasuaat 92 29 10 imaluunniit e-mail gbhe@qaasuitsup.gl atorlugu saaffiginninnikkut piniarneqarsinnaapput.

Qinnuteqarfissaq kingulleq 

Qinnuteqaat ilinniarsimanermut allagartat, siorngatigut atorfigisimasamut uppernarsaatit, kiisalu soraarummeersimanermut uppernarsaatit assilineqarneri ilanngullugit tunniunneqarsimassaaq sulisoqarnermut immikkoortortaqarfimmut kingusinnerpaamik 25. oktober 2015.

Qinnuteqaat uunga nassiunneqassaaq 

Qaasuitsup Kommunia

Att. Sulisoqarnermut Immikkoortortaqarfik

Postboks 1023

3952 Ilulissat

Imaluunniit e-mail-imut: hr@qaasuitsup.gl