Allagarsiuteqqitaq - PPR-Avannaa perorsaanikkut tarnillu pissusaanik sullissinermi siunnersuisartunut pisortaq

Atorfiup inuttalerneqarnissaa kissaatigineqarpoq 1. december 2015 imaluunniit isumaqatigiinnikkut
Qinnuteqarfissaq:
18. oktober 2015
Sumi:
Ilulissat
Akissarsiat:
Isumaqatigiissutit malillugit

Qaasuitsup Kommuniani Ilulissani perorsaanikkut tarnillu pissusaanik sullissinermi siunnersuisartunut pisortamik pissarsiorpoq 

PPR-Avannaa Qaasuitsup Kommuniani Ilulissani inissisimavoq aammalu perorsaanikkut tarnillu pissusaanik sullissinermi siunnersuinikkut akisussaasuulluni.

Ilulissani atuarfiit saniatigut Qaanaami, Upernavimmi, Uummannami, Qeqertarsuarmi, Qasigiannguani, Aasianni kissalu Kangaatsiami, taakkualu nunaqarfiini atuarfiit sullinneqarput.

PPR-Avannaa atuarfeqarfiup iluani meeqqanullu mikisunut suliassat tunngasut isumagisarai.

Allaffik atorfinnik arfineq marlunnik inuttaligaavoq: psykologet sisamat, taakkunannga ataaseq pisortatut atorfeqarluni, perorsaanermik siunnersortit marluk aammalu allammi pisortaq ataaseq.

PPR-Avannaata suliassat atuarfeqarfimmut tunngasut aammalu meeqqanut mikisunut tunngasut isumagisarai.

Pisortap akisussaaffii 

Pisortaasup PPR-ip missingersuutai kiisalu naatsersuutai, atorfimmut atatiollugu angalasarnerit pilersaarusiornissaat kiisalu immikkut annertusisamik atuartitsinermik akuersissuteqartarneq tamatuminngalu nakkutilliineq akisussaaffigaa.

Pisortap illoqarfiit atuarfiisa PPR-illu akornanni attaveqatigiittarneq qulakkiissavaa, kiisalu nunap immikkoortuani siunnersortitut ilinniartitsisut ukiumoortumik isumasioqatigiittarnerat akisussaaffigalugu.

Allaffimmi pisortatut akisussaaffiit ingerlaavartut akisussaaffigineqartut makkuupput, sulinngiffeqarnissaq pillugu naatsersuutit, sulisut ataatsimiisinneqartarnerat, siunnersortinik psykologinillu ataatsimeeqateqartarnerit, MUS-atorlugu oqaloqateqartarnerit, sulisunik atorfinititsisarneq kiisalu sulisunik supervisioneqartitsisarneq.

PPR-Avannaani sulinerup malitsigaa angalasariaqangaatsiarneq, illoqarfiit tamarmik akisussaaffiup iluaniittut ukiumut marloriarlugit tikinneqartarnissaat, siunniunneqarsimammat.

Neqeroorutigaarput 

  • Unammillernartumik, tamatigoortumik kiisalu pissangartumik atorfik inuttut atorfimmut atatillugu piginnaasatigut ineriartornissamut periarfissarissaartoq
  • Suliffik ingerlalluartoq allaffeqarfillu ataatsimooqatigiiffiulluartoq
  • Supervisioneqartitaasarneq immersueqatigiittarnerlu
  • Pinngortitarsuaq naliitsoq periarfissarpassualik asimi pisuttuarnissamut, imaani angalaarfissarissaartoq, qimmeqarnissamut periarfissalik, sisorfissarissaartoq, pinialuffissagissaartoq, aalisarfissagissaartoq il.il.
  • Illoqarfik nutaaliaasoq kulturikkullu assigiinngitsunik neqeroorutissalik

Qinnuteqartussaq naleqquttoq 

  • Piareersimassaaq suliffeqarfimmi, kalaallit oqaasiinik kulturiannillu aallaaveqartumik sulissalluni
  • Pisortatut misilittagaqassalluni
  • Meeqqanik inuusuttuaqqanillu perorsaanikkut tarnillu pissusaanik sullissinikkut misilittagaqassalluni
  • Nikittuujussalluni aammalu namminersorluni sulisinnaassuseqassalluni suliassallu tamatigoortuunerat eqqarsaatigalugu eqaatsumik suleriuseqassalluni

Akissaatit atorfininnermilu atugassarititaasut 

Atorfinititsineq ingerlanneqarsinnaavortaaq immikkut ukiunik amerlassusilikkamik piumasaqaatitalimmik Isumaqatigiissusiornikkut. Tamanna ima isumaqarpoq, sulisoq taassumalu ilaqutai, qaammatit isikkaneq marluk atorfeqareernermi, inatsisit atuuttut naapertorlugit sulinngiffeqarnerannut akiliunneqartassapput. Tamatuma saniatigut atorfimmit soraarnermut atatillugu ajunngitsorsiaqartinneqassaaq(18.000 kr. ukiut tamaasa atorfeqartitaanerup nalaani 1991-imi akit naapertorlugit), kontomut matoqqasumut nakkaatinneqartussanik. Atorfimmit soraarnermut ajunngitsorsiassaq tunniunneqassaaq atorfimmit soraarnerup kingorna.

Atorfimmut atatillugu inissaqartitsisoqarpoq, ineqarnermut akileraasoqassaaq, qularnaviikkusiisoqassalluni il.il. tamatumani inatisisit atuuttut naapertorlugit. Naatsersuutigineqassaaq aalajangersimasumik initaarnissamut utaqqisoqarsinnaanera ineqarniarnikkut pissutsit tunngavigalugit, taamaattumik piffissap ilaani naatsersuutigineqartariaqarpoq utaqqiisaagallartumik ineqartitaanissaq.

Inatsisit atuuttut naapertorlugit atorfininnermut atatillugu angalanissamut pisattallu angallanneqarnerannut akiliussisoqassaaq.

Inuit, Qallunaat Nunaanni pisortani atorfillit, Kalaallit Nunaanni atorfininnerminni sulinngiffeqarallarsinnaatitaapput.

Kissaatigineqarpoq atorfik inuttalerneqassasoq 1. Decembari 2015 imaluunniit isumaqatigiissusiornikkut.

PPR-Avannaani pisortaq Inge Staub Nielsen attaveqarfigiuk uunga isn@qaasuitsuo.gl imaluunniit fagchef Christian Jensen uunga chje@qaasuitsup.gl atorfik pillugu Kalaallillu Nunaanni sulineq pillugu paasissutissanik pissarsiniarlutit.

Qinnuteqarfissaq kingulleq 

Qinnuteqaat kiisalu ilanngussassat attuumassuteqartut assilineri ilanngullugit nassiunneqassapput kingusinnerpaamik 18. oktober 2015.

Qinnuteqaat uunga nassiunneqassaaq 

Qaasuitsup Kommunia

Att: HR-Afdelingen

Postboks 1023

3952 Ilulissat

Imaluunniit e-mail-ikkut: qaasu_hr@qaasuitsup.gl (qaasu_hr@qaasuitsup.gl)