Allagarsiuteqqitaq - Pitsaaliuinermi Siunnersorti

Qaasuitsup Kommuniani Ilulissani Pitsaaliuinermut siunnersortitut atorfik piaartumik imaluunniit isumaqatigiinnikkut inuttassarsiunneqarpoq.
Qinnuteqarfissaq:
18. oktober 2015
Sumi:
Ilulissat
Akissarsiat:
Isumaqatigiissut malillugu

Qaasuitsup Kommuniani Ilulissani Pitsaaliuinermi siunnersortimik pissarsiorneq 

Ilaqutariit illuanni pitsaaliuinermi siunnersortitut atorfik Ilaqutariit Illuanni inissisimavoq. Ilaqutariit Illuanni Aqutsisoq qaninnertut qullersarissavat.

Suliassaqarfiit akisussaaffiillu ilaatigut makkuussapput 

  • Illoqarfimmik nunaqarfinnilu pinaveersaartitsinermi suliaqarnermi suliat assigiinngitsut ataqatigiissaarnissaat.
  • Kommunip pinaveersaartitsinermi politikkiata atuutsinnissaanut malittarinissaanullu akisussaasuuneq.
  • Illoqarfimmi nunaqarfiinilu pinaveersaartitsinermi sammisassanut pilersaarusiornermi inissititerinermut akisussaaqataaneq.
  • Nukiit pigineqareertut ataqatigiissaarnissaat.
  • Pinaveersaartitsinermi suliniutissanik tigussaasunik aallartitsineq.
  • Atuarfinni paaqqinnittarfinnilu tigussaasunik paasititsiniaanermi suliaqarneq.
  • Pinaveersaartitsinermi sammisaqartitsinernut peqatigiiffiit nammineq kajumissutiminnik suleqataarusuttut suleqatiginissaat.
  • Najukkami suliniutinut nalilersuinerup malittarinninnerullu akisussaaffiginissaat.
  • Pinaveersaartitsinermi ataatsimiititaliami sulianut ataqatigiissaarisuuneq allatsiuneq.
  • Kalaallit Nunaanni pinaveersaartitsinermi suliqarnermut atatillugu nalilersuinermi peqataaneq

Piukkunnaatitit 

Pinaveersaartitsinermi suliaqarnermik soqutiginnittuussaatit, kommunimilu pinaveersaartitsinermi suliniarnerup siuarsarnissaanut peqataanissannut piumassuseqarlutit.

Isumaginninnerup peqqinnissallu iluani tunngaviusumik ilinniagaqarsimassaatit imaluunniit allamik naleqquttumik ilinniagaqarsimassallutit.

Aammattaaq illit 

  • Inuttut ammasuussaatit, sumiiffimmilu raatiukkut tv-kkullu paasissutissiinnaanermut piginnaasaqarlutit.
  • Isumassarsiortitsisinnaallutit.
  • Tamakkiisumik isiginnissinnaallutit.
  • Suleqatigiinnermut piginnaasaqarluarlutit.
  • Illoqarfimmi nunaqarfiinilu 4-ini suliat ataqatigiissaarsinnaallugit.
  • Marluinnik oqaaseqaartuullutit.
  • Pilersaarusiornermi sulianullu malittarinninnermi misilittagaqarsimallutit.
  • Sungiussiasuullutit.
  • Politikerinut pinaveersaartitsinermi suliniutinut erseqqissumik saqqummiussisinnaallutit.

Akissaatit atorfininnermilu atugassarititaasut 

Atorfik nalilerneqarsimavoq tjenestemanditut atorfimmut assigusutut. Atorfik akissaateqarfik 34-mi, 36,38-mi taavalu 40-mi inissisimavoq. Aningaasat tapiliutigineqartarput qaammammut kr. 3.000,00.

Atorfimmut atatillugu inissaqartitsisoqanngilaq.

Nammaginartumik pinerlussimannginnermut uppernarsaat aamma meeqqanik pinerliisi-mannginnermik uppernarsaat atorfininnissamut piumasaqaataavoq. Taakku atorfinittussap atsiorluni akuerinerata kingorna atorfinititsisussamit Naalagaaffiup politiivinut (Rigspolitiet) pissarsiarineqassapput.

Paasissutissat annertunerusut Ilaqutariit illuannut aqutsisumut Malene Biilmann-imut pissarsiarineqarsinnaapput  email:  mab@qaasuitsup.gl  imaluunnit oqarasuaat 947899.

Qinnuteqarfissaq kingulleq 

Qinnuteqaat ilinniarsimanermut allagartat, siorngatigut atorfigisimasamut uppernarsaatit, kiisalu soraarummeersimanermut uppernarsaatit assilineqarneri ilanngullugit tunniunneqarsimassaaq sulisoqarnermut immikkoortortaqarfimmut kingusinnerpaamik 18. oktober 2015

Qinnuteqaat uunga nassiunneqassaaq 

Qaasuitsup Kommunia

Att. HR- afdelingen

Postboks 1023

3952 Ilulissat

E-mail: qaasu_hr@qaasuitsup.gl (qaasu_hr@qaasuitsup.gl)