Allagarsiuteqqitaq - Ilaqutariit illuanni aqutsisoq

Qaasuitsup Kommuneani immikkoortortaqarfimmi Qeqertarsuarmi Ilaqutariit Illuanni Aqutsisutut atorfik inuttassarsiuunneqarpoq piaartumik imaluunniit isumaqatigiissuteqarnikkut sulilersussamik pissarsiorpugut.
Qinnuteqarfissaq:
12. oktober 2015
Sumi:
Qeqertarsuaq
Akissarsiat:
Isumaqatigiissutit malillugit

Qaasuitsup Kommuniani Qeqertarsuarmi Ilaqutariit illuanni aqutsisumik pissarsiorneq 

Ilaqutariit illuanni aqutsisutut atorfik Ilaqutariit Illuanni inissisimavoq. Inunnik Isumaginnittoqarfimmi Aqutsisoq qaninnertut qullersarissavat.

Suliassaqarfiit akisussaaffiillu ilaatigut makkuussapput 

  • Inunnik Isumaginnittoqarfik suleqatigalugu suliniutinik pilersaarusiukkanik suleqataaneq
  • Meeqqanut ilaqutariinnullu tunngasuni tapersersuineq, matumani inooqatigiinnikkut perorsaanikkullu ikiuunneq aammalu ilaqutariit tarnikkut inooqatigiinnikkullu  sanngiitsunut iliuusissatut pilersaarut malillugu tapersersuineq
  • Ilaqutariit sanngiitsut tapersersorlugit, inooqatigiinnerat ulluinnarisaallu nukittorsarniarlugu, aammalu / imaluunniit inuttut nukittuffii, angajoqqaallu angajoqqaajusin-naanerat periusissatut pilersaarut malillugu nukittorsarniarlugu tapersersuineq
  • Meeraq angerlarsimaffiup avataani inissinneqarsimappat angajoqqaat aammalu angajoqqaarsiat meeqqamik paaqqutarinnittut perorsaanikkut ikiorlugit
  • Inuusuttut naartusut anaanaasulluunniit perorsaanermi ikiorlugit, ilaquttaminnut attaveqartut attaveqanngitsulluunniit
  • Ilaqutariit meerartallit tarnikkut inooqatigiinnikkullu annertuunik ajornartorsiutilinnik perorsaanikkut ikiuunneq
  • Angajoqqaat meeqqanut immikkoortortaqarfimmi paaqqinnittarfinnut attaveqarnerannut tapersersuineq, matumani pineqarput ulluunerani paaqqinnittarfiit, atuarfik, sunngiffimmi ornittakkat, isumaginnittoqarfik peqqinnissaqarfillu
  • Ilaqutariinnik siunnersuisup ilaqutariit sullitami tamatigut pulaarnerannut nalunaarusiortarneq killiffiallu pillugu nalunaarusiortarneq
  • Suliassat takkussuuttut allat suliarisarlugit

Qulaani suliat pineqartut saniatigut Isuamginninnermi Immikkoortortami Aqutsisup suliakkiisutai, isumaginninnerup iluani suliassat isumagisassanut ilaapput.

Piginnaasat 

  • Perorsaasutut ilinniarsimaneq imaluunniit Isumaginninnermi Ikiortitut ilinniarsimaneq saniatigullu meeqqanik sullitaqarnermi pikkorissarsimaneq (imaluunniit pikkorissarnernut taamaattunut peqataanissamut piumassuseqarneq)
  • Meeqqanut immikkoortortaqarfimmi ilaqutariinnik siunnersuinermut sulinermi misilittagaqarneq
  • Meeqqanut innarluutilinnulluunniit immikkoortortaqarfimmi tapersersortitut sulinermi misilittagaqarneq
  • Isumaginnittoqarfimmi sulinermi misilittagaqarneq
  • Suleqatigisanik sullitanillu suleqatiginnilluarnissamik pilersitsisinnaaneq aammalu periusissamik pilersaarut, Sullissisumit akisussaaffigineqartoq malillugu naammassinnissinnaaneq
  • Periusissamut pilersaarut toqqammavigalugu nammineersinnaassuseqarneq aammalu suleqatiginnilluarsinnaaneq
  • Utaqqisinnaassuseq akaarinninnerlu. Tarnikkut nukittuneq
  • Tutsuiginarneq, tunniusimaneq akisussaassuseqarneq maligassaalluartuunerlu
  • Sullitamut attaveqarluarsinnaaneq attaveqaqateqarluarsinnaanerlu. Akerleriissutinik aaqiillaqqinneq
  • Sungiussiasuuneq ineriartorusussuseqarnerlu
  • Isumaginnittoqarfimmi Ilaqutariinnut Siunnersuisartutut – Angerlarsimaffimmi Perorsaasutut sulianik suleqatiginninnissamillu naammassinninnissamut maleru-aqqusanik malinnissinnaaneq

Akissaatit atorfininnermilu atugassarititaasut 

Akissarsiaqartitsineq atorfinitsitsinerlu pissapput kattuffimmut isumaqatigiinninniarsinnaatitaasumut isumaqatigiissutit sukkulluunnit atuuttut naapertorlugit.

Atorfininnermut atasumik inissaqartitsisoqarpoq maleruagassat atuuttut malillugit akilimmik depositummilimmillu. Utaqqiisaasumik ineqarallarnissaq ilimagineqarsinnaavoq.

Pinerlussimannginnermut naammaginartumik uppernarsaat aamma meeqqanik pinerliisi-mannginnermik uppernarsaat atorfininnissamut piumasaqaataavoq. Taakku atorfinittussap atsiorluni akuerinerata kingorna atorfinititsisussamit Naalagaaffiup politiivinut (Rigspolitiet) pissarsiarineqassapput.

Atorfimmut tunngatillugu annertunerusumik paasisaqartoqarsinnaavoq Isumaginninnermi pisortaq Gerda B. Heilmann oqarasuaat 92 29 10 e-mail: gbhe@qaasuitsup.gl -mut saaffiginnilluni pissarisiarineqarsinnaapput.

Qinnuteqarfissaq kingulleq 

Qinnuteqaat ilinniarsimaneq suliffigisimasallu pillugit paasissutissat, ilinniarsimanermut uppernarsaat il.il. ilanngullugit Sulisoqarnermut Immikkoortortaqarfimmut kingusinnerpaamik 12. Oktober 2015  tunniunneqareersimassapput.

Qinnuteqaat uunga nassiunneqassaaq 

Qaasuitsup Kommunia

Att. HR-afdelingen

Postboks 1023

3952 Ilulissat

Imaluunnit qarasaasiakkut: E-mail: qaasu_hr@qaasuitsup.gl. Imatut allallugu qaasu_hr@qaasuitsup.gl