Juunarsip Atuarfia nutaamik pisortamut tullersortissarsiorpoq

Qinnuteqarfissaq:
25. september 2015
Sumi:
Qasigiannguit
Ulloq aallartiffik:
1. oktober 2015

Juunarsip Atuarfia pisortap tullersortissanik 1.oktober 2015 sulilersussamik piaartumilluunniit sulilersussamik pissarsiorpoq.

Atuarfik 160-inik atuartuuteqarpoq 24-nillu sulisoqarluni. Atuarfimmiipput atuarfiup pisortaa, pisortap tullersortaa, atuarfillu pingasunik immikkoortuligaavoq, tamarmillu immikkoortortat pisortaqarput. Marlunnik pedeleqarpoq asaasullu pingasuullutik.

Meeqqanut atuarfiup pitsaanerpaamik pilersinnissaa siunertaralugu Juunarsip atuarfiani qitiutippagut ilinniartitsineq aammalu sullitanik isumaginnilluarneq, suliat qitiutillugit ineriartortitsineq, matumani ilaatillugu atuartunik akulerutsitsisarneq. Anguniakkagut anguniarlugit pingaartipparput angajoqqaanik suleqateqarnissaq.

Meeqqat atuarfianni aqutsisutut sulinermi ilinniagaqarsimasumik misilittagalimmillu pissarsiorpugut akimullu fagini assigiinngitsuni suleqataasussamik – suliffimmi avataanilu suleqataasussamik.

Inuttut aqutsinermilu piginnaasat

  • Sulianut tamanut ilisimaarinnilluartuussaatit
  • Attaveqallaqqissuussaatit pitsaasumillu pingaarnersiuisinnaassallutit
  • Suleqatit assigiinngissutaanik isumassarsiaanillu atuisinnaaneq tusarnaarsinnaanerlu
  • Suleqatigiit assigiinngitsunik piginnaasaat isumaallu pillugit tusaaniarluartuussaatit
  • Ineriartortitsinermik ilisimasaqartuussaatit
  • Tatiginartuussaatit aqutsisoqatigiinnilu tapersersueqataallutit suleqataasinnaassallutit
  • Qarasaasiaq atorlugu sulinermi misilittagaqartuussaatit
  • Akimut suleqatiginnikkusussuseqassaatit, ulapaarfinnilu sulianut tamanut ataatsimut isiginnissinnaassuseqassallutit
  • Ilinniartitsisutut ilinniarsimasuussaatit ilinniartitsinermillu misilittagaqarluartuussallutit
  • Ersarissumik suleriaaseqassaatit, sulinermilu siuttuussallutit allanullu pitsaasumik maligassiuisuussallutit

Suliassavit ilai ilaatigut makkuussapput

  • Sulisunik aqutsineq, suliassanik nassuiaassisinerit, skemaliornerit
  • Aqutsisoqatigiit, suleqatit, atuartut siunnersuisooqatigiit atuarfimmilu siulersuisut qanimut suleqatigalugit perorsaanermik ineriartortitsineq
  • Ataavartumik aningaasaqarneq pillugu malinnaaneq aammalu aningaasaliissutissanik missigersuusiornerit
  • Misilitsinnissanut soraarummeernissanullu pilersaarusiornerit naliliisarnerillu
  • Napparsimasoqartillugu sulinngittoqartillugulu vikarissarsiorneq

Akissarsiat Naalakkersuisut aamma Ilinniartitsisut Meeqqat Atuarfiani Kattuffiat isumaqatigiissutai sukkulluunniit atuuttut malillugit atuutissapput. Pinerluuteqarsimannginnermut uppernarsaat aammalu meeqqanik pinerliisimannginnermut uppernarsaat piumasarineqassapput.

Atorfimmut atatillugu apeqqutit saaffiginninnerillu atuarfiup pisortaanut ingerlatinneqarsinnaapput mailikkut rsa@qaasuitsup.gl imalluunniit mobil nr. 540607 aamma atuarfiup nr. 914633 kiisalu fax nr. 911533 atorlugit.

Atorfimmut qinnuteqaat paasississutissanik ilallugu qulaani mailip aqqa atorlugu nassiunneqassaaq imaluunniit atuarfiup faxia atorlugu kingusinnerpaamik 25. september 2015.