Pitsaaliuinermut siunnersorti ilaqutariit illuanut

Qaasuitsup Kommuniani Ilulissani Pitsaaliuinermut siunnersortitut atorfik piaartumik imaluunniit isumaqatigiinnikkut inuttassarsiunneqarpoq.
Qinnuteqarfissaq:
23. september 2015
Sumi:
Ilulissat

Allagarsiuteqqitaq: Pitsaaliuinermut siunnersorti ilaqutariit illuanut 

Qaasuitsup Kommuniani Ilulissani Pitsaaliuinermut siunnersortitut atorfik piaartumik imaluunniit isumaqatigiinnikkut inuttassarsiunneqarpoq.

Pinaveersaartitsinermi siunnersortitut atorfimmut atatillugu makku suliassaqarfiussapput:

  • Illoqarfimmik nunaqarfinnilu pinaveersaartitsinermi suliaqarnermi suliat assigiinngitsut ataqatigiissaarnissaat
  • Kommunip pinaveersaartitsinermi politikkiata atuutsinnissaanut malittarinissaanullu akisussaasuuneq
  • Illoqarfimmi nunaqarfiinilu pinaveersaartitsinermi sammisassanut pilersaarusiornermi inissititerinermut akisussaaqataaneq
  • Nukiit pigineqareertut ataqatigiissaarnissaat
  • Pinaveersaartitsinermi suliniutissanik tigussaasunik aallartitsineq
  • Atuarfinni paaqqinnittarfinnilu tigussaasunik paasititsiniaanermi suliaqarneq
  • Pinaveersaartitsinermi sammisaqartitsinernut peqatigiiffiit nammineq kajumissutiminnik suleqataarusuttut suleqatiginissaat
  • Najukkami suliniutinut nalilersuinerup malittarinninnerullu akisussaaffiginissaat
  • Pinaveersaartitsinermi ataatsimiititaliami sulianut ataqatigiissaarisuuneq allatsiuneq
  • Kalaallit Nunaanni pinaveersaartitsinermi suliqarnermut atatillugu nalilersuinermi peqataaneq

Piukkunnaatitit:

Pinaveersaartitsinermi suliaqarnermik soqutiginnittuussaatit, kommunimilu pinaveersaartitsinermi suliniarnerup siuarsarnissaanut peqataanissannut piumassuseqarlutit.

Isumaginninnerup peqqinnissallu iluani tunngaviusumik ilinniagaqarsimassaatit imaluunniit allamik naleqquttumik ilinniagaqarsimassallutit.

Aammattaaq illit:

  • Inuttut ammasuussaatit, sumiiffimmilu raatiukkut tv-kkullu paasissutissiinnaanermut piginnaasaqarlutit
  • Isumassarsiortitsisinnaallutit
  • Tamakkiisumik isiginnissinnaallutit
  • Suleqatigiinnermut piginnaasaqarluarlutit
  • Illoqarfimmi nunaqarfiinilu 4-ini suliat ataqatigiissaarsinnaallugit
  • Marluinnik oqaaseqaartuullutit
  • Pilersaarusiornermi sulianullu malittarinninnermi misilittagaqarsimallutit
  • Sungiussiasuullutit
  • Politikerinut pinaveersaartitsinermi suliniutinut erseqqissumik saqqummiussisinnaallutit

Atorfinitsitsineq akissarsiaqartitsinerlu:

Atorfik nalilerneqarsimavoq tjenestemanditut atorfimmut assigusutut. Atorfik akissaateqarfik 34-mi, 36,38-mi taavalu 40-mi inissisimavoq. Aningaasat tapiliutigineqartarput qaammammut kr. 3.000,00.

Atorfimmut atatillugu inissaqartitsisoqanngilaq.

Nammaginartumik pinerlussimannginnermut uppernarsaat aamma meeqqanik pinerliisi-mannginnermik uppernarsaat atorfininnissamut piumasaqaataavoq. Taakku atorfinittussap atsiorluni akuerinerata kingorna atorfinititsisussamit Naalagaaffiup politiivinut (Rigspolitiet) pissarsiarineqassapput.

Paasissutissat:

Paasissutissat annertunerusut Ilaqutariit illuannut aqutsisumut Malene Biilmann-imut pissarsiarineqarsinnaapput email: mab@qaasuitsup.gl imaluunnit oqarasuaat 947899.

Qinnuteqaat ilinniarsimanermut allagartat, siorngatigut atorfigisimasamut uppernarsaatit, kiisalu soraarummeersimanermut uppernarsaatit assilineqarneri ilanngullugit tunniunneqarsimassaaq sulisoqarnermut immikkoortortaqarfimmut kingusinnerpaamik 23. september 2015, uunga nassiunneqassapput.:

Qaasuitsup Kommunia

Att. HR- afdelingen

Postboks 1023

3952 Ilulissat

E-mail: qaasu_hr@qaasuitsup.gl