Piareersarfik Aasiaat sannavimmi ilinniartitsisussarsiorpoq

Aasianni Piareersarfiup ataani immikkoortortaq Piukkunnarsarfik 1. september 2015, inuusuttunik ilinniartitaanikkut suliffeqarnikkullu ineriartortitsinermik siunertaqartumik ingerlatsiffiusoq, 40-t tungaannut atuartuuteqartoq 18-niit 25-nut ukiulinnut, aallartinneqarnikuuvoq, 19-t Aasianniit 21-t Qaasuitsup Kommuniani piffinnit assigiinngitsuniit. Taassani atuartinneqartunut sannavimmi atuartitsisartussamik pissarsiorpugut 1. august 2016 isumaqatigiissuteqarnikkulluunniit atorfinittussamik.
Qinnuteqarfissaq:
11. maj 2015
Sumi:
Aasiaat
Akissarsiat:
Isumaqatigiissut malillugu

Qaasuitsup Kommunia Aasiaat Piareersarfiup sannavianut ilinniartitsisussarsiorpoq 

Sannavimmi atuartitsisutut atorfik nutaajuvoq, taamaattumik ingerlanneqassaaq ineriartortinneqassallunilu sulisut allat peqatigalugit.

Fagini ukunani atuartitsisuusinnaassaatit 

  • Sananeq.
  • Aserfallatsaaliineq.
  • Amiineq.
  • Atoqqitassanik iluarsartuussineq.
  • VVS

 

Atuartitsineq aamma atuartitsinerup ingerlanneqarnera aqutsisoq atuarfiullu ilinniartitsisui allat qanimut suleqatigalugit ingerlanneqartassaaq, tamatumunngalu piumasaqaataavoq, uku piginnaaneqarfigissagitit:

 

  • Suleqateqarsinnaaneq,
  • Nutaamik eqqarsarneq isumassarsiullaqqinnerlu,
  • Inunnut immikkut pisariaqartitsisunut paasinnilluarsinnaaneq aqqutissiuusserusussuseqarnerlu.

Naatsorsuutigaarput 

  • Atuagarsornikkut assassornerup iluani ilinniagaqarsimasuunissat.
  • Oqaatsitigut piginnaaneqarluassasutit, oqaluttariarsornikkut allattariarsornikkullu.
  • Atorfimmik assigusumik misilittagaqarsimassaatit. Tamannali piumasaqaataanngilaq.
  • Piumassuseqartuussaatit atuarfimmillu ineriartortitseqataasusussuseqassallutit.
  • Qarasaasiamik naliginnaasumik atuisinnaassaatit.
  • Imigassamik aanngajaarniutinillu ajornartorsiuteqanngitsutit.
  • Pinerluuteqarsimannginnermik uppernarsaammik takutitaqarsinnaassaatit.

Akissarsiat atorfeqarnermi atugassarititaasut 

Atorfininneq akissarsiallu Atorfillit Kattuffiata Namminersornerullutillu Oqartussat isumaqatigiissutaat atuuttut naapertorlugit ingerlanneqassaq.

 

Atorfininnermut atatillugu inissaqartitsisoqanngilaq.

 

Paasissutissat:

Atorfimmut paasissutissat erseqqinnerusut pissarsiarineqarsinnaapput uunga saaffiginninnikkut: Aasiaat Piareersarfik Aasianni pisortaagallartoq Mariane S. Larsen, oqarasuaat 89 4769 imaluunniit e-mailikkut mars@qaasuitsup.gl

Qinnuteqarfissaq kingulleq 

Qinnuteqaat, ilinniagaqarsimanermut uppernarsaatinik aammalu siusinnerusukkut sulisimanermut uppernarsaatinik ilalik, kingusinnerpaamik nassiunneqassaaq 15.07.2016 mailikkut: hr@qaasuitsup.gl

Qinnuteqaat uunga nassiunneqassaaq 

Qaasuitsup Kommunia

Sulisoqarnermut Immikkoortoqarfik

Postboks 1023

3952 Ilulissat