Kultureqarnermut, Atuarfeqarnermut Sunngiffimmullu ataatsimiititaliaq

Ataatsimiititaliaq tallimanik ilaasortaqarpoq.

Kultureqarnermut, Atuarfeqarnermut Sunngiffimmullu ataatsimiititaliap suliassaqarfiit makku akisussaaffigivai:

  • Ulluunnerani meeqqanik inuusuttunillu paaqqinnittarfiit, meeraaqqeriviit, meeqqeriviit aamma sunngiffimmi orniguttarfiit
  • Angerlarsimaffimmi paaqqinnittarfiit
  • Atuarfeqarfik, atuartut inissiaat ilanngullugit
  • Sunngiffimmi atuartitsineq
  • Atuakkanik atorniartarfeqarneq
  • Katersugaasiviit
  • Kulturikkut suliat paasititsiniaanerlu
  • Peqatigiiffinnut timersornermillu sulialinnut tapiissutit
  • Timersortarfiit kulturikkullu illorsuit
  • Piareersarfiit
  • Siunnersuineq ilitsersuinermillu suliaqarneq
  • Namminersortunit suliat tigooqqarneqarnerisa pilersaarusiornerat, PPR, (aaqqissuusseqqinneq)
  • Illuutit ataatsimiititaliap susassaqarfiisa ataaniittut ingerlanneqarnerat

Ataatsimiititaliaq siunnersuusiortassaaq aningaasaqarnermullu ataatsimiititaliaq aqqutigalugu kommunalbestyrelsemut makkunannga innersuusiortassalluni:

  • Kommunip kulturi pillugu politikkia
  • Peqatigiiffinnut timersornermillu suliaqartunik tapiissuteqartarnermi malittarisassat

Ilaasortat

  • Kristian Broberg (Siumut)
  • Jens Immanuelsen (Siumut)
  • Jens Kristian Therkildsen (Siumut)
  • Naja Petersen (Atassut)
  • Hans Aronsen (Inuit Ataqatigiit)