Attaveqarnermut, Sanaartornermut Avatangiisinullu Ataatsimiititaliaq

Ataatsimiititaliaq tallimanik ilaasortaqarpoq.

Attaveqarnermut, Sanaartornermut Avatangiisinullu Ataatsimiititaliap suliassaqarfiit makku iluini suliassat akisussaaffigai:

  • Aqquserngit, ikaartarfiit tummeqqat
  • Eqqiluitsuutitsineq, aputaajaaneq ilanngullugu
  • Pisuussutinik uumassusilinnik nakkutiginninneq, Pisuussutinut uumassusilinnut ataatsimiititaliaq suleqatigalugu
  • Kommunep suliffeqarfiutai, nunaqarfinni suliat atortunillu assartuisarneq ilanngullugit
  • Qatserisarfeqarneq
  • Teknikkikkut immikkoortortaqarfiup ataaniittut suliffeqarfiit allat, kommunep entreprenøreqarfia
  • Kiassaateqarfiit
  • Eqqakkat/anartarfiit, eqqakkanik tigooqqaaneq, avatangiisit pillugit piumasaqaatit
  • Suliffeqarfiit pilersuisut allat, ikuallaaviit ilanngullugit
  • Sanaartugassatut pilersaarutit tamaasa, ataatsimiititaliaq namminersortullu suleqatigalugit
  • Avatangiisinik nakkutiginninneq taakkulu pillugit siunnersuineq
  • Nunat eqqissisimatitat pinngortitarlu pillugu suliat
  • Nunaminertamik allaffissorluni nakkutiginninneq sanaartugassallu akuersissutigineqartarneri
  • Namminersortunit suliat tigooqqarneqarnerisa pilersaarusiorneqarner, sanaartugassat, (aaqqissuusseqqinneq)
  • Kommunep illuutaanik ingerlatsinik aserfallatsaaliinerlu, ataatsimiititaliat allat suleqatigalugit

Ataatsimiititaliaq siunnersuusiortassaaq kommunalbestyrelsemullu innersuusiortassalluni, makkunannga innersuusiornermi aningaasaqarnermut ataatsimiititaliaq aqqusaarneqartassaaq:

  • Immikkoortunngorlugit pilersaarutit
  • Pilersuinermik suliaqartut sulinerinut akigititassanik aalajangersaaneq

Kommunip sanaartugassai sanaartorniagaalu sumulluunniit atorniarneqarneri apeqqutaatinnagit:

  • Inissianik amerliliiniarluni pilersaarutit
  • Inissianik imaluunniit aaqqissukkanik pisiniarneq tuniniaanerlu

Ataatsimiititaliaq siunnersuusiortassaaq kommunalbestyrelsimullu innersuusiortassalluni makkunannga:

  • Illoqarfimmi tunngaviusumik pilersaarusiorneq, tamanna kommunalbestyrelsimit suliakkiunneqarsimatinnagu

Ataatsimiititaliaq siunnersuusiortassaaq kommunalbestyrelsimullu innersuusiortassalluni makkua oqaaseqarfigineqaqqusaagaangata:

  • Nunaminertat asiartarfiit pilersaarusiorneqarneranni siunnersuutit – Naalakkersuisunit akuerineqartussanngortinneqarnissaat siunertaagaangat

Ataatsimiititaliaq siunnersuusiortassaaq kommunalbestyrelsimullu innersuusiortassalluni makkunannga:

  • Nuna tamakkerlugu pilersaarusiornermi kommuni ilaatinneqarsimatillugu

Ataatsimiititaliaq ukununnga piginnaatinneqarpoq:

  • Sumiiffiit qaqugukkut nutaamik pilersaarusiorneqassanersut aalajangiineq (illoqarfiup ilaanut pilersaarut aamma nunaminertat asiariartorfiusartut pilersaarutaat)
    Kommunimut pilersaarutip allanngortinneqarnissaa piumasaqaataanngikkaangat suliaqartassaaq
  • Illoqarfiup ilaanut pilersaarutinik akuerisaagallartunik akuersissuteqarneq atuuttunngortitsinerlu

aamma

  • kommunimut pilersaarutip tapissaatut akuerisaagallarsimasut akuersissutigineqarnerat
    naalakkersuisunillu akuerisassanngortitat makku siunertaralugit:
    tamanik tusarniaanerup nalaani oqaaseqartoqarsimanngippat naammagittaalliuteqartoqaranilu pilersaarutip anguniagaanik pingaarnertullu ilusilersorneqarneranik allannguisinnaasumik

Ilaasortat

  • Sakio Fleischer (Siumut)
  • Jens Vetterlain (Siumut)
  • Ole InûsutoK' Frederiksen (Siumut)
  • Bernhardt Olsen (Siumut)
  • Ane Hansen (Inuit Ataqatigiit)