Nunaqarfinni aqutsisut

Qaasuitsup Kommuniani nunaqarfii 31-usut katillugit 15-inik nunaqarfinni aqutsisoqarput.

Ukiunut sisamanut atuuttussamik nunaqarfinni aqutsisunik qinersinerit toqqaannartumik pisarput. Nunaqarfinni aqutsisut pingasuniit tallimat tikillugit ilaasortaatitaqartarput. Nunaqarfinni aqutsisut ilaasa nunaqarfiit amerlanerusut akisussaaffigisarpaat.

Ataatsimoorussamik nunaqarfinni aqutsisunnut ilaasortat nunaqarfimmik ataatsimik sinniisut amerlanerpaamik pingasuusinnaapput.

Nunaqarfinni aqutsisut sunik suliassaqartassanersut kommunalbestyrelsip aalajangertarpaa.

Kommunalbestyrelsimiit akuersissummik pisimatinnani nunaqarfinni aqutsisut aningaasanik atuisinnaanngillat.

Kommunalbestyrelsip missingersuusiornermini nunaqarfinnut aqutsisunut aningaasanik immikkoortitsisinnaapput. Aningaasallu immikkoortinneqartut namminneq aalajangikkaminnik atorsinnaavaat soorlu makkununnga:

  • Kultureqarnermut innuttaasunullu qaammarsaanermut
  • Timersornermut sammisassanut
  • Teknikkimut tunngasunut suliffeqarfinnut pilersuinermullu suliffeqarfinnut
  • Nunaqarfimmi inuussutissarsiornermut suliniutinut
  • Ataatsimut sammisaqartitsinermut


Ataatsimoorussamik nunaqarfinni aqutsisut aqqanillit taavalu nunaqarfiit ataasiakkaat sisamat:

Nunaqarfik Ilaasortat
Savissivik 3
Siorapaluk, Qeqertat 3
Kullorsuaq 5
Tasiusaq, Nuussuaq 5
Innaarsuit, Naajaat, Aappilattoq 5
Kangersuatsiaq, Upernavik Kujalleq 5
Illorsuit, Nuugaatsiaq 5
Ikerasak, Saattut, Ukkusissat 5
Niaqornat, Qaarsut 5
Saqqaq, Qeqertaq 5
Oqaatsut, Ilimanaq 3
Kangerluk 3
Akunnaaq, Kitsissuarsuit, Ikamiut 5
Attu 3
Iginniarfik, Ikerasaarsuk, Niaqornaarsuk 3