Meeqqanut, inuusuttunut ilaqutariinnut kiisalu pinaveersaartitsinermut suliassaqarfimmi immikkoortortaqarfik

Meeqqanik, inuusuttunik ilaqutariinnik sullissinermi aamma pinaveersaartitsinermi meeqqanik isumassuineq, ilaqutariinnik siunnersuineq aamma pinaveersaartitsilluni kiffartuussinerit akisussaaffigineqarput; najukkami aamma qitiusoqarfimmi tamanna akisussaaffigineqarluni. Immikkoortortaqarfik tamarmik toqqaannavissumik inatsisitigut pisussaaffeqarpoq aamma meeqqanik inuusuttunillu ikiorsiisarnerit allaffissornikkut inatsisit malillugit kommunip suliarissallugit aksissaaffeqarpoq. Inatsisini malitassatut allassimasut taakkua meeqqat inuusuttullu tapersersorneqarnissaminnik pisariaqartitsisunik, atukkanik peqquteqartumik (soorlu assersuutigalugu sumiginnarneqarnermik imaluunniit kinguaassiutitigut atornerlunneqarnermik kingorna) imaluunniit innarluuteqarnermik kingunerisaanik pisariaqartitsisut kommunimit ikiorserneqarnissaat pisussaaffeqartippaat. Immikkoortortaq taanna ilaqutariinnik siunnersuinermik aamma pinaveersaartitsinermik imaqarpoq, taakkualu sukumiinerusumik suliniuteqarfigineqarsinnaasut ikilisarneqarnissaanik pisariaqartitsineq anguniartussaavaat, ingammik meeqqat angerlarsimaffiup avataanut inissineqartarneri ikilisarniartussaavaat.

Immikkoortumi tassani makkua soorlu suliarineqartarput:

  • Ilaqutariinnik aqutissiuussineq
  • Ilaqutariinnik katsorsaaneq
  • Kommunip tarnikkut ikiuigasuartuutitai
  • Tarnip pissusaanik ilisimasalittut oqaloqateqartarnerit
  • Kommunip upalungaarsimasuutitai; kinguaassiutitigut kanngutsaattuliornerit
  • Avatangiisini sullissineq (miljøarbejde)
  • Meeqqat aamma pinaveersaartitsinermik sulaiqarneq pillugu suliaqarfiit akimorlugit suleqatigiinni suleqataaneq
  • Meeqqat tapersersorteqarnerinik aaqqissuussinerit
  • Ilaqutariinnut aamma ulloq unnuarlu paaqqinnittarfinnut inissiinerit ataqatigiissarneqarneri
  • Kommunimi ilaqutariit inissiiviusartut ilitsersorneqarneri
  • Ilaqutariit højskoliat
  • Atornerluisut katsorsartittussat sullinneqarneri
  • Malinnaalluni nakkutilliineq