Utoqqarnut, innarluutilinnut kiisalu angerlarsimaffimmi ikiorteqarnermut immikkoortortaqarfik

Utoqqarnik innarluutilinnillu sullissineq aamma angerlarsimaffimmi ikiorteqarneq immikkoortortani pingasuni taakkunani kiffartuussineq kiisalu pensionisialinnik sullissineq akisussaaffigineqarpoq. Immikkoortoq taanna inatsisinik pisussaaffeqarnermik imalerujussuuvoq aamma kommunip allaffissorluni akisussaaffik tigummisani inatsisinik tunngaveqarluni aquppaa ukunani; siusinaartumik pensionisiaqarneq, utoqqalinermusiaqarneq, angerlarsimaffimmi ikiorteqarneq, utoqqaat illoqarneq aamma innarluutilinnik sullissineq. Inatsisini malitassatut allassimasut taakkua inunnik timimikkut ikiorneqarnissaminnik pisariaqartitsisunik imaluunniit ukiut aamma/imaluunniit innarluuteqarneq tunngavigalugu sulisinnaanerup killeqarneranik peqquteqartumik perorsaaneq aqqutigalugu tapersersorneqarnissamik pisariaqartitsisunik kommuni ikiorsiisussanngortippaat.

Immikkoortup najukkami utoqqaat innarluutillillu siunnersuisooqatigiivinik suleqateqarneq aamma inuit malunnaatilimmik timiminnik killilimmik atuisinaasut angallanneqarlutik kiffartuunneqarnissaannik ilaqarpoq. Immikkoortumi tassani makkua soorlu suliarineqartarput:

  • Siusinaarlutik pensionisiallit aamma utoqqalinisiallit aningaasatigut sullinneqarneriAngerlarsimaffimmi ikiorteqarneq (ikiorteqarallarnerit aamma ataavartumik ikiorteqarnerit)
  • Utoqqaat illuini aamma utoqqaat ulluunerani ornittagaanni kiffartuussineq
  • Utoqqaat innarluutillillu najugaqarfiinik neqerooruteqartarneq
  • Innarluutillit sammisassaqartinniarlugit neqerooruteqarneq
  • Inuit annertuumik innarluutillit timaanut ikiorsiissutai aamma malunnaatilimmik aningaasartuutaanik utertitsisarnerit
  • Meeqqat inersimasullu innarluutillit tapersersorteqartarnerinik aaqqissuussinerit
  • Innarluutilinnik angallassineq/ innarluutillit bussii
  • Innarluutillit aamma siusinaartumik pensionisiallit pillugit suliaqarfiit akimorlugit suleqatigiinnik suleqateqarneq