Avatagiisit illersukkat

Atortulersuutinut Avatangiisinullu Naalakkersuisoqarfiup nakkutigisarai
nunat tamalaat pinngortitamik illersuinissanut tunngasortani Kalaallit Nunaata
pisussaaffigisai. Taakku tassaapput Biodiversitetskonventionen,
Ramsarkonventionen aamma Washingtonkonventionen.

Atortulersuutinut Avatangiisinullu Naalakkersuisoqarfiup nakkutigisarai nunat tamalaat pinngortitamik illersuinissanut tunngasortani Kalaallit Nunaata pisussaaffigisai. Taakku tassaapput Biodiversitetskonventionen, Ramsarkonventionen aamma Washingtonkonventionen.

Kommunimi eqqissisimatitat
Qeqertarsuarmi Uunartuarsuup qaqqaa naasorinnini pissutigalugu eqqissisimatitaavoq.

Qimusseriarsuup sineriaa Qaanaap Upernaviullu akornanniittoq eqqissisimatitaavoq qilalukkat qernertat piaqqiorfigimmassuk pingaaruteqartoq.

Ilulissat Kangerluat eqqissisimatitaavoq UNESCO-p nunarsuarmioqatigiit kingornussassaasa allattorsimaffiannut ilanngussaanikuulluni sermip pissusaata immikkuullarilluinnartup pinngortitarsuullu pinnissusersua pissutigalugit.

Kitsissunnguit Qeqertarsuup Tunuata iluaniittut timmiarpassuaqarfiummata eqqissisimatitaapput.

Nunatsinni timmissanik eqqissisimatitsineq
Timmissanik sumiiffinni aaliagersimasuni eqqissisimatitsineq soorlu appanut, serfanut, imeqqutaallanut qilarnganullu illersuineruvoq. Namminersornerullutik Oqartussat inatsisaanni nr. 8, 2. marts 2009 illersuineq piniarnerlu timmissanik tunngasumi inerteqqutaalluinnarpoq nunamut niuneq imaluunniit angalaneq piffissami 1. maj - 31. august, kiisalu taakkunannga 500 meterimit qanilleqqusaanatik, taamaallaalli ingerlaarfiit nalunaaqutsersukkat angalaffigineqarsinnaallutik.

Nunatsinni timmissanik eqqissisimatitsiviit 13-iusuni kommunitsinni 12-it nassaassaapput.

Nunap assigi, nunatsinni timmissanik eqqissisimatitsiviusut
uani takuneqarsinnaavoq

Inatsisit timmissanut tunngasut uani takuneqarsinnaapput.

Sumiiffiit Ramsar-eqarfittut nalilikkat
Ramsarkonventionen tassaavoq nunat tamalaat isumaqatigiissusiaat Iran-imi illoqarfik Ramsar-imi 1971-mi isumaqatigiissutigineqartoq timmissat masarsummittartut annerusumik illersorniarlugit. 

Kommuneqarfimmi Ramasar-eqarfiit tallimaapput:

  • Qeqertarsuup nunataani Qinguata Marraa aamma Kuussuaq
  • Qeqertarsuup nunataani Aqajarua aamma Sullorsuaq
  • Kitsissunnguit
  • Naternaq
  • Eqalummiut Nunaat aamma Nassuttuup Nunaa

Ramsar-eqarfiit pillugit paasissutissat annerusut uunga iserluni atuarneqarsinnaapput (attavimmik annertuumik atuisuuvoq).

Sumiiffiit Ramsar-eqarfittut nalilikkat pillugit annerusumik uani atuarsinnaavutit.