Suliffeqarfiup aqqa – Piumasaqaat kisermaassinerlu

Suliffeqarfiup aqqa – Piumasaqaat kisermaassinerlu 

Suliffeqarfiit nammineq atsersinnaavat, piumasaqaatit ataani allassimasut naammassisinnaagukkit. Aammattaaq nammineq atit atorsinnaavat.


Piumasaqaat
Suliffeqarfiit killilimmik akisussaaffillit, soorlu aktiselskab-it anpartsselskab-illu pineqartillugit selskab-ip pissusiligaanera aqqatigut takuneqarsinnaassaaq, soorlu Rosings Maskinfabrik A/S.

Suliffeqarfiup aqqa ersarissumik allanit allaassuteqassaaq paatsiveerutitsisinnaananilu.

Varemærkelov malillugu suliffeqarfiup aqqa ilisarnaataaluunniit suliffeqarfiit allat assigissanngilaat. Qulakkeerniarumallugu ateq atorneqareersoq toqqarsimannginnerlugu atorneqareersunik ukunani ujaasisinnaavutit
  • Telefonbog-ini
  • Krak-imi – www.krak.dk
  • Det Centrale Virksomhedsregister-imi aamma Erhvervs- og Selskabsstyrelsen-ip selskab-inut nalunaarsuiffiani – www.cvr.dk
  • Patent- og Varemærkestyrelsen-ip attaveqaatitigut nioqqutissat ilisarnaataat aqqisalu nalunaarsugaataanni – www.dkpto.dk

Kisermaassineq
Suliffeqarfik Grønlands Erhvervsregister(GER)-imut nalunaarsorneqarpat, aqqa Det Centrale Virksomhedsregister-imut ilanngunneqassaaq. Nalunaarsugaanikkut suliffeqarfiup aqqa tamakkiisuunngikkaluamik illersugaalissaaq.

Patent- og Varemærkestyrelsen-imi suliffeqarfivit aqqa nioqqutissap ilisarnaataatut nalunaarsortissinnaavat, taamalu qulakkeerlugu ateq kisivit pigisaralugu.

Allaaserisat attuumassutillit

Qaasuitsup Kommunia
Postbox 1023
3952 Ilulissat

Oqarasuaat: (+299) 94 78 00
Fax: (+299) 94 25 52
E-mail: qaasuitsup@qaasuitsup.gl
Nittartagaq: http://www.qaasuitsup.gl