Suliffeqarfiup pilerisaarutiginera

Suliffeqarfiup pilerisaarutiginera 

Suliffeqarfiit nutaaq pilerisaarutiginialerukku pilerisaarinissamut pilersaarusiortariaqarputit makkuninnga imalimmik:
  • Ingerlatassat pilersaarutigisat
  • Ingerlatamik ingerlatsisup aqqa
  • Ingerlatassanut piffissalersuineq
  • Ingerlatat ataasiakkaat akissaasa aalajangerneqarnerat

Pilerisaarinermut pilersaarut atorlugu ingerlatat aqullugillu pilersaarusiorsinnaavatit, malittareqqinnerat ataqatigiiaarlugu ingerlanniakkallu ataasiakkaat sunniutaat nalilersorlugit.

Pilerisaarinissamut pilersaarut ingerlajuartussaavoq, tassa ingerlatat piffissaq aalajangersimasoq ingerlasussaammata, tamatuma kingornatigut ingerlateriikkanut qisuariaatit nalilerneqarsinnaallutik. Piffissamut tullermut pilersaarut angusimasat malillugit nalilersugassaavoq. Imaassinnaavoq ingerlatat ilai peerluinnarsimasut allalli ineriartortinneqarsimallutik.


Ornigulluni nioqquteqarneq
Nioqqutissiatit imaluunniit sullissinitit pisiniarfinni ataasiakkaarlugit pisiniarfimmi assigisaanilluunniit nioqqutissatut piukkunnanngippata ornigulluni niuernissamut pilerisaarineq pingaarnerpaavoq.

Nammineerlutit nioqquteqarniarninni malittarisassat periusissallu arlallit malittussaavatit.
Nammineq nioqquteqarniarnermi pitsaanerpaavoq makkua atorukkit:
  • Pisisussat toqqarlugit
  • Pisisinnaasut toqqaannartumik mail-imik nassikkit
  • Oqarasuaatikkut isumaqatigikkit ataatsimeeqatigiumallugit
  • Pisisussat ornikkit
  • Niuerneq nioqqutinillu tunniussineq
  • Malittareqqiineq pisisartunillu isumaginninneq
  • Tunisaqaqqinneq amerlanerusunilluunniit tunisaqarneq

Niuernermut uuttuutissat
Niuernermi tunisaqarneq sunnersinnaavat suliffeqarfiup ingerlanneqarnerani uuttuutit assigiinngitsut iluarsiissuteqartinnerisigut. Soorlu eqqarsaatigisinnaavatit:
  • Nioqqutissap ilusilernera: Sullissineq imaluunniit nioqqutissiaq kissaatigisatut pitsaassuseqarpa?
  • Poortuutissaq: Poortuutissaq makkua arlaannik pitsaaquteqarpa pitsaaquteqassavaluunniit: Assigiissuseq, takujuminassuseq, avatangiisinik ajoqusiinnginneq, atoqqinneqarsinnaaneq?
  • Nioqqutissat assigiinngitsut: Nioqqutissat assigiinngitsut amerlassusiat naammappa, itisuumik tunngaveqarpa, sammisamut sammisitaava, ikittuinnarnut tunngava imaluunniit takullugu tupaallannarpa?
  • Akit: Akia allatut qaffasitsigissava, appasinnerussava, qaffasinnerussava, niuerfimmi akit maliinnassavai, neqeroorutitut akeqartitsisoqassava?
  • Akiliinissamut piumasaasut: Assersuutigalugu aningaasanngorlugu, akiligassanngorallartillugu, akikilliissuserlugu?
  • Sullissineq: Pisisumut immikkut pisussaaffeqarpa, utertitsisinnaaneq allalluunniit?
  • Sumi inissisimaffik: Suliffeqarfik amerlasuunngorlugit tunisisartup pisartulluunniit qanittuaniippa imaluunniit soqutaanngila?
  • Sulisorisat: Sulisorisatit illillu nammineq naammaginartumik pissusilersoriaaseqarpisi, ilisimasaqarpisi, immikkut paasisimasaqarpisi, immikkut ilinniagaqarpisi isummertaaseqarlusilu?
  • Siaruaaneq: Sullissinitit imaluunniit nioqqutissatit pitsaanerpaamik siammartarpigit – assersuutigalugu makkua aqqutigalugit toqqaannartumik toqqaannanngitsumilluunniit tunisinikkut, pisiniarfiup suussusaata piukkunnarneratigut, pisisarnermut peqatigiiffik, nioqqutissanut qamutit motoorillit, taavalu nioqqutissat poortortarnerat namminerlu angallattarnerat?

Attaveqarnermut uuttuutit
Tunisaqarneq aamma sunnerneqartarpoq suliffeqarfik takussaasunngornerulersikkumallugu aqqutissanik toqqaanikkut. Eqqarsaatigisariaqarpat kinguliini taaneqartut ilai atussaneritit:
  • Ussassaarutit: Assersuutigalugu annonce-t, naqitat, katalog-it, naqitaq paasissutissiat (brochure-t), magasin-it, naqitat agguaattakkat, filmertarfimmi, tv-mi radio-milu pilerisaarutit, angallassissutini pilerisaarutit, pisiniarfimmi takutittakkat, saqqummersitsinermi takoqqusaarutit, allagartarsualersorneq, pilerisaarutit tigussaasut
  • Tunisaqarniarluni pisisartussarsiorneq: Assersuutigalugu nioqqutissat misiligutit, nutaap ilisaritinnerani akikilliliineq, ersarissumik takutitsineq, misiligutigalugu attartortitsineq, pisiniarfimmi saqqummersitsineq
  • Avammut paasisitsiniut (Public relation): Assersuutigalugu eqqartugaaneq, qanoq isikkoqarnermut aaqqissuussinerit, tusagassiuutitigut nalunaarutit, pisunik takutitat ilinniartitsinermilu atortussat
  • Takutitsinersuit saqqummersitsinerillu: Assersuutigalugu nunami namminermi, nunani allani, aasigiimmik sammisallit peqatigiiffiatigut attaveqarfiilluunnit allat atorlugit
  • Akiliussisuuneq: Assersuutigalugu kulturikkut, timersornikkut avatangiisitigullu akiliussisuuneq
  • Nammineq tuniniaaneq: Assersuutigalugu tuniniaalluni allakkat, orniguttarluni tuniniaaneq (mail toqqaannartoq)

Allaaserisat attuumassutillit

Qaasuitsup Kommunia
Postbox 1023
3952 Ilulissat

Oqarasuaat: (+299) 94 78 00
Fax: (+299) 94 25 52
E-mail: qaasuitsup@qaasuitsup.gl
Nittartagaq: http://www.qaasuitsup.gl