Piginneqqaarsinnaatitaaneq

Piginneqqaarsinnaatitaaneq 

Piginneqqaarsinnaatitaanikkut eqqumiitsuliat illersorneqarput. Isumagisaali annertuneruvoq ilaallutik atuakkiat, nipilersugassiat, isiginnaartitsinerit, film-it qalipakkallu tamatumalu saniatigut soorlu pequsiat, eqqumiitsuliat atugassat, edb-software, kort-it, titartakkat illuutiliallu.

Piginneqqaarsinnaatitaanermi aningaasaqarnikkut illersorneqassaatit, pissutigalugu illit nammineq pilersitavit allanit aningaasarsiutigineqarsinnaanngimmat. Ilutigalugu qulakkiissavat takutitsinermi saqqummiussinermilu pilersitsisutut eqqaaneqarsinnaanermik pisinnaatitsissut, innimiittumillu issuaanerit akornusernissaannut pisinnaatitaallutit.


Piumasaqaat
Illersuinermi piumasarineqarpoq nioqqutissiaq pilerseqqaagaassasoq, tassa nammineq pilersitsiniarnikkut pilersitaassasoq, aamma pilersitseqqaartutut piumasatut taaneqartartoq.


Nalunaarsuineq
Piginneqaarsinnaatitaaneq nalunaarsorneqartariaqanngilaq. Illersugaaneq aallartittarpoq pilersitaq pilersinneqaraangat pilersitsisullu inuunera tamaat atuuttarpoq ukiunik 70-inik ilallugu. Tamatuma kingornatigut kialuunniit pilersitaq suliarisinnaavaa tamanullu saqqummiullugu, arlalinnilli killilikkamik. Soorlu atsiornerit eqqunngitsumik allanngorteqqusaanngillat.


Copyright (Kopi-risinnaatitaaneq)
Ilaatigut oqariaaseq copyright nioqqutissiami takussaasarpoq. Oqariaaseq dansk-isuujunngilaq nioqqutissiamullu sukkulluunniit illersuutaanani, kisianni malugitinneqarpoq nioqqutissiaq piginneqqaarsinnaaneq pillugu inatsisikkut illersugaasinnaasoq.


Nipilersukkat atorneqarnerat immikkut
Suliffeqarfimmik ingerlataqaruit, soorlu sutorniartarfimmik nipilersuutillu atugaralugit eqqumiitsuliortoq nipilersuusiorsimasoq akilerneqartussaavoq. Akiliineq pisarpoq Komponistrettigheder (KODA) aqqutigalugu, tassa Danmark-imi nipilersuusiortartut pisinnaatitaaffiinik ingerlatsivik. KODA-p isumagisarpaa nipilersuusiortunut taallliortunullu nipilersuusiaat atorneqaraangata aningaasat agguaattarnerat.

KODA-p nittartagaatigut – www.koda.dk – sukumiinerusumik inatsisit eqqumiitsuliortullu qanoq akilissanerlugit atuarsinnaavat.


Paasissutissat amerlanerusut
Piginneqqaarsinnaatitaaneq pillugu annertunerusumik paasisaqarumaguit, Ilinniartitaanermut, Ilageeqarnermut, Kultureqarnermut Naligiissitaanermullu Naalakkersuisoqarfik attaveqarfigissavat.

Allaaserisat attuumassutillit

Qaasuitsup Kommunia
Postbox 1023
3952 Ilulissat

Oqarasuaat: (+299) 94 78 00
Fax: (+299) 94 25 52
E-mail: qaasuitsup@qaasuitsup.gl
Nittartagaq: http://www.qaasuitsup.gl