Atornissaanut ilusiliinerup nalunaarsornera

Atornissaanut ilusiliinerup nalunaarsornera 

Atornissaanut ilusilersuinerup nalunaarsornerani (brugsmodelregistrering) siunertaaneruvoq assassorluni atugassatut nassaarineqartut illersornissaat. Kisianni aamma nioqqutissiat allat, assersuutigalugu akoorutissat, nakorsaatit, inuussutissat tassuuna illersorneqarsinnaapput.


Piumasaqaat
Nassaarisat atornissaanut ilusilersuinerup nalunaarsortinnissaanut, nassaarisaq
  • nutaajussaaq
  • allaniillu ilisimaneqareersunit allaanerussaaq

Assigiinngissummut piumasaqaat patent-ip illersorneqarneratut annertutiginngilaq. Atornissaanut nalunaarsuineq naleqquttuusinnaavoq nassaarisap qaffasissuseqannginnerata (tassa nassaarisaq ilisimaneqareersunit annertuumik allaassuseqassasoq) kingunerippagu nassaarisaq patent-ilerneqarsinnaanngitsoq.


Qinnuteqarneq
Nassaarisaq atugassatut nalunaarsorneqarsinnaavoq qaffasissusia misilereerlugu misilereernaguluunniit. Aallaqqaammut misileeqqaarani atuinissamut nalunaarsuisitsisimaguit ajornaquteqanngilaq kingusinnerusukkut akiliillutit misiliisinnaatitsinissannut, immaqalu misiligaanngitsumik atuisinnaatitaanerit misiligaasimasumik taarserlugu.

Nassaarisat qaffasissusia misilereerlugu misilereernaguluunniit illersorneqarnissaa kissaatigigaluarukkuluunniit, atornissaanut ilusilersuinerup nalunaarsorneqarsinnaanera qinnuteqaatigisinnaavat Patent- og Varemærkestyrelsen-imut Danmark-imiittumi. Styrelsen-ip nittartagaatigut www.dkpto.dk atornissaanut ilusilersuinerup nalunaarsornera toqqaannartumik attaveqaatitigoortumik qinnuteqaatigisinnaavat. Tassanittaaq toqqaannartumik attaveqaatitigoortumik qinnuteqarnianngikkuit qinnuteqarnissamut immersuiffissat nassaarisinnaavatit, tassanilu paasisinnaavat nunat sorliit atornissaanut ilusiliinermut aaqqissuussaqarnersut aamma atornissaanut ilusilersuinerup nalunaarsortinneranut akigititat.


Paasissutissat amerlanerusut
Atuinissamut ilusiliinerup nalunaarsornera pillugu malittarisassat immikkullu akuerineqarnerit pillugit annertunerusumik paasisaqarsinnaavutit atuinissamut ilusiliineq pillugu inatsimmi Patent- og Varemærkestyrelsen-ip nittartagaa attavigalugu.

Allaaserisat attuumassutillit

Qaasuitsup Kommunia
Postbox 1023
3952 Ilulissat

Oqarasuaat: (+299) 94 78 00
Fax: (+299) 94 25 52
E-mail: qaasuitsup@qaasuitsup.gl
Nittartagaq: http://www.qaasuitsup.gl