Suliffeqarfiup qanoq ittuunissaanik aalajangerneq

Suliffeqarfiup qanoq ittuunissaanik aalajangerneq 

Suliffeqarfimmik aallartitsinnginninni eqqarsaatigissavat suliffeqarfiit kisivit pigissanerlugu ingerlatseqatigiiffiutissanerluguluunniit. Aallartitsisut amerlanerpaat suliffeqarfiutertik aallartinniarlugu aningaasanik taarsigassarsisariaqartarput. Aningaasaateqarfinnut apeqqutaagajunngilaq aaqqeeriaaseq sorleq toqqarnerit. Aningaasaateqarfiimmi aningaasaatitik qulakkeerumasarpaat, suliffeqarfik qanorluunniit ittuussagaluarpat. Tamannali ilinnorpiaq pingaaruteqarsinnaavoq.

Suliffeqarfiutit nammineq pigisattut ingerlakkukku ukiumi amigartoorfiusumi amigartoorutit isertitannit allanit matuneqassapput, tamatumalu kingorna akiligassat aapparisap ukioq taanna isertitaanit matuneqassapput, kingornatigullu ukiunut akissarsiorfiusunut tullernut piffissaq killilernagu nuunneqassapput.

Ingerlatseqatigiiffiliat aningaasaateqarfimmit taarsigassarsianut qularnaveeqqusiisuusimaguit annaasaqaratarsinnaasut arlaatigulluunniit ilanngaatigisinnaanngilatit, annaasalli tamaasa nammineq nammattariaqarlugit.

Suliffeqarfiup qanoq ittutut aaqqitaanera tamanut ammasuunissamik piumasaasumut pingaaruteqarportaaq. Suliffeqarfik nammineq pigigukku sunaluunniit tamanut saqqummiuttariaqanngilat. Ingerlatseqatigiiffilioraanni suut tamarmik pingaaruteqarput. Naatsorsuutinut paasissutissat Erhvervs- og Selskabsstyrelsen-imut nalunaarsorneqartarmata, tassani soqutigisaqartut tamarmik paasissutissanik pisinnaapput.

Suliffeqarfik ingerlatseqatigiiffittut aaqqitaassanersoq aalajangertinnagu ilaatigut makkua eqqarsaatigereertariaqarpatit:

  • Ajutoorfiusinnaasut suut naammagalugit atorumavigit?
  • Aningaasat qanoq amerlatigisut sillimmatigaagit?
  • Naatsorsuutitigut piumasaasut suut naammassisinnaavigit naammaserusuppigillu?
  • Piareersimaffiginerit suliffeqarfik pillugu paasissutissat ilai tamanit ilisimaneqalissanersut?
  • Akileraarutinut akiligassanut qanoq sunniuteqassanersoq?

Allaaserisat attuumassutillit

Qaasuitsup Kommunia
Postbox 1023
3952 Ilulissat

Oqarasuaat: (+299) 94 78 00
Fax: (+299) 94 25 52
E-mail: qaasuitsup@qaasuitsup.gl
Nittartagaq: http://www.qaasuitsup.gl