Suliffeqarfiup aallartinnginnerani eqqarsaatigisariaqakkat – Nalinginnaasumik paasissutissiineq

Suliffeqarfiup aallartinnginnerani eqqarsaatigisariaqakkat – Nalinginnaasumik paasissutissiineq 

Suliffeqarfimmik aallartitsinnginninni ilaatigut makkua eqqarsaatigisariaqarpatit:


Isumassarsiaq
Nioqqutissiat sullissinerilluunniit niuerfimmi pigineqareersunut unammillerluarsinnaava, kiarpiaap sullissinerit pisariaqartippaa, aamma aallartinnerit suliffeqarfiullu ukiui siulliit qanoq aningaasalersorniarpigit? Tamanna qulaajarsinnaavat niuernikkut pilersaarusiornikkut.


Illit nammineq
Nammineq suliffeqarfivit ingerlannissaanut inuttut naammattunik piginnaassuseqarpit, immaqalu sapaatip akunneranut akunnerit 60-80-it sulisariaqarnissannut piareersimavit? Illit nammineq – ilaquttatillu – sivikinnerusumik sivisunerusumilluunniit inuttut aningaasatigullu amikkisaarsinnaanissassinnut piareersimavisi? Assersuutigalugu naatsorsuutinik nalunaarsuineq oqarasuaatillu nakkutiginissaa namminersortutut inuunerup ilagisai isumagissallugit piareersimavit?


Aningaasatigut nalorninartoorfigisinnaasatit
Aamma eqqarsaatigisariaqarpat suliffeqarfik qanoq ittoq ingerlakkumanerlugu. Toqqaanissanni apeqqutaasut ilagissavaat aningaasatigut nalornisoorfigisinnaasatit suut piareersimaffigineritit, aningaasallu qanoq amerlatigisut isumalluutigineritit. Suliffeqarfiup qanoq pissusilerlugu pilersinnissaanut ilaatigut pingaaruteqarput akileraartarnermut tunngasut naatsorsuusiornikkullu piumasaqaataasut. Ingerlatseqatigiiffimmik (selskab) pilersitsiniaruit eqqumaffigissavat siulersuisoqartariaqarmat.


Avataani angerlarsimaffimmiluunniit?
Aamma sioqqutsillutit paasereertariaqarpat suliffeqarfik angerlarsimaffimmit ingerlanniarnerlugu imaluunniit allaffiit attartornissaannut pisiarinissaannulluunniit aningaasaliissanerlutit.


Aallartitsisinnaatitaavit?
Aamma pingaartutut qulakkeertariaqarpat ilumut suliffeqarfimmik ingerlatsisinnaatitaanerlutit. Siusinnerusukkut atorfigisimasat unammillernissamut immikkut piumasaqaatinik ilaqarpat, nammineq suliffiuteqalernissannut ukiuni arlalinni aporfiusinnaavoq. Taamaassaartaaq suliffiutitaat siusinnerusukkut suliffigisimasanni nassaarisimasannik tunngaveqarpat, imaluunniit nioqqutissiamik sullissinermilluunniit sulisitsisorisimasavit inuussutissarsiornermi isertukkatut isigisaanik tunngaveqarpat.


Siunnersuinerit pitsaasut
Ilumut namminerisannik aallartitsisinnaanersutit apeqqutit pingaarutillit qulaajarnissaannut amerlasuutigut ikiorserneqarsinnaavutit. Najukkanni inuussutissarsiornermik allaffeqarfimmi siunnersortit aallartissutissaqqipput. Aamma siunnersuisartunut namminersortunut innersuussinnaavaatsit, soorlu eqqartuussissuserisut kukkunersiuisulluunniit.

Allaaserisat attuumassutillit

Qaasuitsup Kommunia
Postbox 1023
3952 Ilulissat

Oqarasuaat: (+299) 94 78 00
Fax: (+299) 94 25 52
E-mail: qaasuitsup@qaasuitsup.gl
Nittartagaq: http://www.qaasuitsup.gl