Aallartitsisinnaaneq inatsisitigut akuerisaava

Aallartitsisinnaaneq inatsisitigut akuerisaava 

Nammineq pigisamik suliffeqarfeqalernissaq inatsit naapertorlugit killilersugaasinnaavoq maannakkut siusinnerusukkulluunniit atorfeqarsimanerpit kinguneranik.


Unammillernissamut immikkut piumasaqaat
Atorfiit ilai unammillernissamut immikkut piumasaqaatinut ilaasinnaapput. Tamatuma kingunerisinnaavaa ukiuni tulleriiaani suliaqarfimmi tassani suliffigisimasami assinganik nammineq suliffeqarfimmik pilersitsisinnaannginneq.


Isumassarsiamut pisinnaatitaaneq
Sulisitsisuusimasup sulisorisimasami isumassarsiaa pisinnaatitaaffigiumasinnaavaa isumassarsiaq sulisitsisup ingerlataasa iluanniippat. Tamanna eqqumaffigissavattaaq suliffeqarfimmi sulisuullutit isumassarsiat nammineq pigisatut atugassatulluunniit innimigisassatut illersuuserniassagukku. Tamanna atuupportaaq suliffeqarfimmit qimagunninniit qaammatit arfinillit ingerlaneranni nassaarisimagukku. Taamaattoqassappat uppernarsarsinnaasariaqarpat isumassarsiaq sulisuujunnaarnerup kingornatigut pisimasoq.


Inuussutissarsiummi isertugassat
Eqqumaffigissavattaaq suliffeqarfiup inuussutissarsiummini isertugassaatai allanut ingerlateqqissinnaanagillu atorsinnaannginnakkit. Inerteqqut sulisuujunnaarnermiit, suleqataajunnaarnermiit inuussutissarsiutilluunniit uninneraniit ukiuni pingasuni atuuppoq.

Suliavit ingerlanneranni inuussutissarsiulluunniit siunertaralugu tatigisaallutit pissarsiarisimagukkit teknikkikkut titartakkat, allaaserisat, atornissaanut ilitsersuutit, isikkussaatut suliat assigisaalluunniit atortussat nammineq suliffiutinni atoqqusaanngillat allanulluunniit tunniuteqqusaanatik.

Aalajangersakkat ilai nammineq suliffeqarfissannik aallartitsiniarninni akornutaanersut nalornigukkit ajornartorsiut eqqartuussissuserisumut oqaloqatiginnissutigissavat.

Allaaserisat attuumassutillit

Qaasuitsup Kommunia
Postbox 1023
3952 Ilulissat

Oqarasuaat: (+299) 94 78 00
Fax: (+299) 94 25 52
E-mail: qaasuitsup@qaasuitsup.gl
Nittartagaq: http://www.qaasuitsup.gl