Nunani avannarlerni killerni aningaasaateqarfik (Vestnordenfonden)

Nunani avannarlerni killerni aningaasaateqarfik (Vestnordenfonden) 

Aningaasaateqarfik suliffeqarfiit mikisut akunnattumillu angissusillit sanaartornissamut pilersaaruteqarpata taarsigassarsisitsisarpoq. Pingaarnerutinneqartarput nioqqutissiat nunanut allanut tunisassat ineriartortinneqarnerat imaluunniit sullissinerit pitsanngorsarnerat nutaanillu pilersitsinerit. Ilimagineqarpoq Nunani avannarlerni killerni aningaasaateqarfiata taamaaliornikkut tapersersorai nunat taakkua akornanni suliffissuaqarnikkut teknologiikkullu suleqatigiinneq nunanillu avannarlernik allanik suleqateqarnerat.


Qularnaveeqqut
Nunani avannarlerni killerni aningaasaateqarfiata piumasaraa taarsigassarsiarititami qulakkeerluarsimanissaat. Qulakkeerutilli assigiinngitsuusinnaapput, soorlu illuutit qularnaveeqqusiunnerat, aningaasaateqarfimmi akiliussisussamaateqarneq imaluunniit aningaasaateqarfiit allat akiliussisussamaataanerat. Nunani avannarlerni killerni aningaasaateqarfik qaqutiguinnaq maskiinat atortorisallu isumalluutigalugit taarsigassarsisitsisarpoq.


Piumasaqaatit
Aningaasaliiffigineqarnissaq anguniaraanni tunngavissat makkua naammassineqarsimassapput:

  • Ineriartortitsinissamut pilersaarutaassaaq ersarissarneqarsimassaarlu suliniut ungasinnerusoq isigalugu inuiaqatigiinnut sutigut iluaqutaassanersoq
  • Suliniut aamma ingerlatsinermut naammaginartumik aningaasaqassaaq
  • Utertillugit akiliinissaq naammaginartoq qulakkeersimassaaq


Suliniutip allaaserineqarnera
Suliniutip allaaserineqarnerani piumasarineqartut makkua naammassineqarsimassapput:

  • Qinnuteqartoq imaluunniit suliffeqarfik pillugu paasissutissarpiaat
  • Suliniut, suliniutip siunertaa aningaasatigullu angussangasat pillugit nassuiaat
  • Suliniutip piffissaq ingerlavissaa ingerlatsisut/angusanut akisussaasut ilanngullugit paasissutissat
  • Taarsigassarsisariaqassuseq ersarissarneqassaaq nalunaarutip immikkoortortai patsisilersorlugit innersuullugit
  • Ukiuni kingullerni marlunni ingerlatsinermut naatsorsuutit oqimaaqatigiissitsinerlu. Suliffeqarfiit aallarterlaanut taamaallaat piumasarineqarpoq ukiumi pineqartumi missingersuut ukiunullu tulliuttunut marlunnut pilersaarut. Suliniutit annertuneruppata piumasarineqarpoq pilersaarut ima sivisutigisumik atuuttussaq nammineq aningaasaatinut ajunngitsumik sunniuteqarnissaa takuneqarsinnaalluni
  • Suliffeqarfiup suuneranut nassuiaat
  • Taarsigassarsinissamut suliniutip niuernikkut atuisutigullu inissisimanera
  • Taarsigassarsinermut piumasaasut
  • Innersuunneqartut


Paasissutissat annertunerusut
Nunani avannarlerni killerni aningaasaateqarfik pillugu sukumiinerusumik nittartagaanni www.vestnorden.is -mi atuarsinnaavat.

Nunani avannarlerni killerni aningaasaateqarfiup Kalaallit Nunaanni allaffeqarfiata Nunani avannarlerni killerni aningaasaateqarfik kisiat ingerlannagu, aamma NORA ingerlataraa. Nittartagaanni tamanna pillugu sukumiinerusumik atuarsinnaavat www.nora.fo.

Allaaserisat attuumassutillit

Qaasuitsup Kommunia
Postbox 1023
3952 Ilulissat

Oqarasuaat: (+299) 94 78 00
Fax: (+299) 94 25 52
E-mail: qaasuitsup@qaasuitsup.gl
Nittartagaq: http://www.qaasuitsup.gl