Aningaaseriviup inissisimanera

Aningaaseriviup inissisimanera 

Aallartitsiniartut taamaallaat ikittuinnaat imminnut aningaasalersorsinnaapput, amerlanerillu aningaaserivik imaluunniit atorniarfigineqarsinnaasoq alla aqqutigeqqaartariaqartarpaat.

Aningaaseriviup sullivimmik/aallartitsiniartumik nalilersuinera makkuninnga aallaaveqartarpoq:

  • Isumassarsiatut tunngavigisaq
  • Aallartitsiniartoq
  • Aningaasat aallartitsissutissat/nalilinnik pigisanut tunngasut
  • Missingersuutit missingersuutinullu tunngavigisat
  • Qularnaveeqqutissat


Suliamut pilersaarut
Pissutsit tamakku tamarmik suliamut pilersaarusiamut piviusorsiortumut ikkussuunneqartarput.

Ingerlatsinermut pilersaarut

Isumassarsiatut tunngavigisap imminut nappassinnaasuunissaa piumasarisat pingaarnerpaat ilagivaat, suliffeqarfik ingerlaannarsinnaassanersoq ungasinnerusorlu isigalugu patajaatsumik ingerlajuarsinnaassanersoq eqqarsaatigalugit. Taamaattumik aningaaserivimmit pingaartinneqarpoq pilersaarut sukumiisumik suliarineqarsimasuussasut, iluarsartuullugu suliniummik nalilersuinermi itisilikkamillu oqaloqatigiinnissutiginninnissamut tunulequtassatut atorsinnaasuusariaqarlutik.


Siunnersuineq
Pitsaassaaq aningaaserivimmut attaveqaraanni naatsorsuutigisat suliamut pilersaarummut tulluarsartikkumallugit. Nammineq aamma najugarisami inuussutissarsiutitigut siunnersuisoqatigiit ikiortissarsiornermi ilitsersuisussarsiornermilu attaveqarfigisinnaavatit.

Kukkusumik nalilersuisimanermi aningaasatigut kingunerusussat aningaaserivimmit qaangiinnarneqarsinnaapput, ilinnulli annertuumik naleqarsinnaallutik – aningaasatigut inuttullu – suliffeqarfimmik aallartitsisimagaanni ajutooratarsinnaasumik. Taamaammat illit aningaaseriviullu akornissinni tamatigut annertuumik sunniivigeqatigiinneqartussaavoq, aammalu annertoorujussuarmik isiginiarneqartarluni ajutoortoqariataartoqassatillugu pisussaaffigititassat naammaginartumik agguataarniarneqarnissaat.

Tassunga killinnermi taamaasilluni aningaaserivik aningaasanut tunngasutigut inuttaanullu toqqaannartumik siunnersortaalereersarpoq, taamaammallu – aamma illit pillutit – iluarsartuullugu suliniutip isumassarsiatut tunngavigisaa sukumiisumik nalilersuiffigisussaallugu.

Allaaserisat attuumassutillit

Qaasuitsup Kommunia
Postbox 1023
3952 Ilulissat

Oqarasuaat: (+299) 94 78 00
Fax: (+299) 94 25 52
E-mail: qaasuitsup@qaasuitsup.gl
Nittartagaq: http://www.qaasuitsup.gl