Folketingimut qinersisarneq – Allakkatigut taasisarneq

Folketingimut qinersisarneq – Allakkatigut taasisarneq 

Kalaallit Nunaanni folketing-imut qinersisarneq Kalaallit Nunaanni Naalagaaffiup Sinniisuata aqutarisarpaa tamanullu ammasumik nalunaarutigisarlugu qaqugu Kalaallit Nunaanni folketing-imut qinersisoqassasoq.

Folketing-imut ilaasortassanik marlunnik Kalaallit Nunaannni qinersisoqartarpoq.


Piumasaqaatit
Allakkatigut taasisinnaavutit
  • ullormi qinersivimmi qinersisussat allattorsimaffianniiffigisanni taasiartortarfiliarsinnaanngikkuit, aamma
  • taasisinnaatitaaguit

Taasiartorfissat
Ullormi qinersivimmi sumiinnersutit apeqqutaatillugu allakkatigut taasisinnaavutit:
  • Kalaallit Nunaanniikkuit inunnik nalunaarsuiffimmi sumiluunniit allakkatigut taasisinnaavutit
  • Kalaallit Nunaanni napparsimavimmiikkuit allaniluunniit peqqissaasarfinniikkuit paaqqinnittarfinniikkuillu napparsimavimmi suliffeqarfimmiluunniit allakkatigut taasisinnaavutit
  • Kalaallit Nunaanni suliffeqarfimmi pinerluttunik isumaginniffimmiikkuit suliffeqarfimmi allakkatigut taasisinnaavutit
  • Assersuutigalugu Kalaallit Nunaanni mittarfeqarfimmi silasiorfimmiluunniit kommuneqarfiunngitsumiikkuit taasivinnik tigooraasumi aningaasaqarnermut nunamilu namminermi pissutsinut minister-imit toqqakkami aallakkatigut taasisinnaavutit
  • Kalaallit Nunaanni avinngarusimasumi namminerisamik taasiviunngitsumi najugaqaruit inummi qinersisinnaatitaasumi kommunalbestyrelse-mit toqqakkami allakkatigut taasisinnaavutit
  • Danmark-imiikkuit inunnik nalunaarsuiffimmi, innuttaasunik sullissivimmi imaluunniit taasivinnik tigooraasumi aningaasaqarnermut nunamilu namminermi pissutsinut minister-imit toqqakkami allakkatigut taasisinnaavutit
  • Savalimmiuniikkuit Savalimmiuni inunnik nalunaarsuiffimmi imaluunniit taasinernik tigooraanissamut immikkut pisinnaatitaasumi allakkatigut taasisinnaavutit
  • Nunami allamiikkuit dansk-it diplomati-attut imaluunniit konsuleqarfimmi aallartitami imaluunniit taasivinnik tigooraasumi aningaasaqarnermut nunamilu namminermi pissutsinut minister-imit toqqakkami allakkatigut taasisinnaavutit
  • Umiarsuarni angallatiniluunniit Kalaallit Nunaanni najugalittut nalunaarsugaasuni imaluunniit dansk-it umiarsuaani nunani allani angalasuni umiartortut ilaasullu umiarsuarmi angallammiluunniit imaluunniit umiarsualiveqarfimmi allakkatigut taasisinnaapput. Umiarsuup naalagaa taassumaluunniit toqqagaa aamma umiarsualiveqarfiup pisortaa imaluunniit taassuma toqqagaa taasivinnik tigooraasutut atuutissaaq

Qaqugu allakkatigut taasisoqarsinnaava?
Ulloq qinersivissaq siusinnerpaamik qaammatinik 3-nik sioqqullugu allakkatigut taasisoqarsinnaavoq.

Ullormi qinersivimmi nalunaaqutaq 9:00 tikitsinnagu qinersisinnaasutut allattorneqarfigisanni qinersinermik aqutsisup allakkatigut taasinerit tiguppagu, qinersisut kisinneqarneranni allakkatigut taasissutit kisimi atuussinnaavoq.


Malugiuk
Allakkatigut taasineq pillugu annertunerusumik paasisaqarsinnaavutit naalagaaffiup sinniisoqarfiata nittartagaanik atuarnikkut.

Allaaserisat attuumassutillit

Qaasuitsup Kommunia
Postbox 1023
3952 Ilulissat

Oqarasuaat: (+299) 94 78 00
Fax: (+299) 94 25 52
E-mail: qaasuitsup@qaasuitsup.gl
Nittartagaq: http://www.qaasuitsup.gl

Naalagaaffiup Sinniisoqarfia
Indaleeqqap Aqq. 3
Postboks 1030
3900 Nuuk

Oqarasuaat: (+299) 32 10 01
E-mail: ro@gl.stm.dk
Nittartagaq: www.rigsombudsmanden.gl