Umiartuussinissamik pilersaarutit – Nalinginnaasumik paasissutissiineq

Umiartuussinissamik pilersaarutit – Nalinginnaasumik paasissutissiineq 

Illoqarfiit nunaqarfiillu amerlanerpaat Royal Arctic Line-mit pilersorneqarput. Taakku tassaasinnaapput biilit, pequtit nioqqutissallu allat ulluinnarni atorneqartartut. Nassiussanik utaqqisaqaruit imaluunniit umiarsuakkut nassiussiniaruit, isumassarsiatsialaassaaq Royal Arctic Line-p umiartuussinissamik pilersaarutaa pingaarneq misissorukku, taamaalillutit utaqqilussinnarnissaq pinngitsuussagakku.

Umiartuussinissamik pilersaarut pingaarneq tassaavoq Royal Arctic Line-p ukiup ingerlanerani illoqarfinnut nunaqarfinnullu ataasiakkaanut apuuffissatut naatsorsuutaanut pilersaarut. Royal Arctic Line marlunnik umiartuussinissamut pilersaarutinik pingaarnernik peqarpoq:

  • Umiartuussinissamik pilersaarummi pingaarnermi takusinnaavatit, Atlantikoq ikaarlugu aamma illoqarfiit akornanni umiarsuit ingerlaarfissaasa ullulerneqarneri
  • Nunaqarfinnut umiartuussinissamik pilersaarummi pingaarnermi takusinnaavatit nunaqarfinnut umiarsuit tikiffissaasa ullulerneqarneri


Umiartuussinissamik ukiumut pilersaarutit pingaarnerit Royal Arctic Line-p nittartagaani ”Ingerlaarfiit” ataanni nassaarisinnaavatit.

Kommuninut, Nunaqarfinnut, Isorliunerusunut, Attaveqaqatigiinnermut Ineqarnermullu Naalakkersuisoqarfik
Imaneq 1A - 601
Postboks 909
3900 Nuuk

Oqarasuaat: (+299) 34 50 00
E-mail: box909@nanoq.gl
Nittartagaq: www.naalakkersuisut.gl