CITES – Nunatsinni najugalinnut

CITES – Nunatsinni najugalinnut 

CITES tassaavoq uumasunik naasunillu nungutitaanissamut navianartorsiortitaasunik nioqquteqarnerup nalunaarsornissaannut nakkutigineqarnissaannillu nunarsuarmiut isumaqatigiissutaat. CITES-imi uumasut naasullu nungutitaanissaminnut ulorianartorsiortut allattorsimaffinnut pingasunut immikkoortiterneqartarput: I, II aamma III. Allattorsimaffik I-miittut ulorianartorsiornerpaapput annissinissamullu eqqussinissamullu inatsisinik sakkortunerpaanik malittarisassaqarluni.

CITES-ip allattugaataanni Kalaallit Nunaanni uumasut naasullu 30-it missaat allattorsimaffianniipput. Nalinginnaanerpaat tassaapput:

Aqqa <align="center">Allattorsimaffimmi nr
</align="center">
Tikaagulliusaaq <align="center">I
</align="center">
Arfivik <align="center">I
</align="center">
Kigutilissuaq <align="center">I
</align="center">
Tikaagullik (Tunumeersoq) <align="center">I
</align="center">
Qilalugaq qaqortaq <align="center">II
</align="center">
Nanoq <align="center">II
</align="center">
Niisa <align="center">II
</align="center">
Qilalugaq qernertaq <align="center">II
</align="center">
Tikaagullik (Kitaaneersoq) <align="center">II
</align="center">
Aaveq* <align="center">III
</align="center">


Kalaallit Nunaanni najugaqaruit uumasunillu nungutitaanissaminnut ulorianartorsiortunik annissiniarlutit, taava aalajangersimasunik malittarisassaqarpoq, taamatuttaaq nassiussiniaruit imaluunniit nassarniaruit akuersissutit suut pisariaqartinneritit malittarisassaqarpoq.

Ullut 185-it sinnerlugit nunatsinni adresse-qarsimaguit taava nunatsinni najugaqavissutut taaneqarsinnaavutit.


Nuunnermi
Kalaallit Nunaanniit nuuleruit allattorsimaffik II-meersut aamma III-meersut CITES-imit akuersissummik peqqaanngikkaluarlutit pequtinut ilanngullugit nassiussinnaavatit. Malugiulli nutsernermi pisattatut nassatat tuniniaqqusaanngimmata tunissutitullu tunniuteqqusaanatik.

Nuunnermut atatillugu allattorsimaffik I-meersunik annissiniaruit uku pisariaqartippatit:
  • CITES annissinissamut akuersissut Kalaallit Nunaanneersoq
  • CITES eqqussinissamut akuersissut Danmark-imeersoq

Danmark-imut angalanermi
Danmark-imut angalanermi tunissutissanik allattorsimaffik II aamma III-meersunik nassarsinnaavutit. Taamaaliorniaruilli CITES-imit akuersissummik peqaqqaartariaqarputit.
Ukuninngali sanaanik tunissutissatut annissisinnaanngilatit:
  • Qilalugaq qernertaq
  • Nanoq
  • Aaveq
  • Uumasut allattorsimaffik I-miittut (soorlu kigutilissuaq)

Danmark-imut angalaguit nammineq pigisatit soorlu uumasunit allattorsimaffik I, II aamma III-meersunit pinnersaasiat nassarsinnaavatit.


Danmark-imut allakkerivikkut nassiussinermi
Aallattorsimaffimmi II aamma III-miittunik nassiussisinnaavutit, CITES-imik annissinissamut akuersissummik pisimaguit. Eqqaamallugu nassiussinermi akuersissutit ilaatillugit nassiutissagakkit.

Aavernilli, nannunit qilalukkanillu qernertanit sanaat Danmark-imut nassiuteqqusaanngillat, allattorsimaffimmilu I-meersut nassiuteqqusaanatik.


Danmark-imut neqinik nassiussinermi
Qilalukkap qaqortap tikaagulliullu kitaaneersup mattaanik neqaanillu nassiussisinnaavutit nassarsinnaallutillu, sioqqutsillutit pissarsiarisimagukkit
  • CITES-imit annissisinnaanermut akuersissut
  • kiisalu qilalukkap qaqortap tikaagulliullu kitaaneersup mattaanik neqaanillu nassarniaruit CITES-imit eqqussinissamut akuersissut

Nassiussat poortugaassapput tuniniaqqitassaanngitsut annerpaamik 5 kg.

Mattak neqilu ukunanngaanneersoq nassiuteqqusaanngilaq nassaqqusaananilu:
  • Tikaagulliusaaq
  • Qipoqqaq
  • Qilalugaq qernertaq
  • Nanoq
  • Aaveq

Qinnuteqarneq
Uumasunit nungutitaanissaminnut ulorianartorsiortunit sanaanik annissiniaruit qinnuteqaatinik immersueriarlutit nassiussissaatit. Uani nassaarisinnaavatit.

CITES annissinissamut qinnuteqaat(Allattorsimaffik I-meersunik pigisanik nassiussinermi, tunissutissanik tunniussassanik nassarnermi, allakkerivikkut nassiussinermi neqinillu nassiussinermi atorneqassaaq).

Qinnuteqaat immersorsimasoq CITES-ip allaffianut Ineqarnermut, Pinngortitamut Avatangiisinullu Naalakkersuisoqarfimmiittumut nassiutissavat.

CITES pigisanik Danmark-imut eqqussinissamut qinnuteqaat(Allattorsimaffik I-meersunik pigisanik nassiussinermi, kiisalu mattammik neqinillu nassarnermi atorneqassaaq)

Qinnuteqaat immersorsimasoq Naturstyrelsen-imut Danmark-imiittumut nassiutissavat.


Malugiuk
Eqqaamallugu qinnuteqajaarnissat, CITES-imit akuersissummik pissarsinissaq sapaatit akunneri sisamat tikillugit sivisussuseqarsinnaammat.

Nunanit allanit eqqussinissamut akuersissummik pisariaqartitsinermi, nammineq akisussaaffigissavat qinnuteqarfissamik pissarsinissat akuersissummillu pissarsinissat.

Apeqqutissaqaruit nalornillutilluunniit CITES-allaffik attaveqarfigisinnaavat.

Ataaniittumi CITES nunatsinni najugalinnut malittarisassat pillugit quppersagaq paasissutissiisoq sukumiinerusumik atuarsinnaavat.

CITES nunatsinni najugalinnut malittarisassat

Allaaserisat attuumassutillit

Pinngortitamut, Avatangiisinut Inatsisinillu Atuutsitsinermut Naalakkersuisoqarfik
Cites allaffik
Postboks 1614
3900 Nuuk

Oqarasuaat: (+299) 34 67 18
Fax: (+299) 32 54 10
E-mail: cites@nanoq.gl
Nittartagaq: www.naalakkersuisut.gl