Qimminut qimuttussanut qimmilivik – Nalinginnaasumik paasissutissiineq

Qimminut qimuttussanut qimmilivik – Nalinginnaasumik paasissutissiineq 

Qimmilivik qimmeqarfinni tassaavoq, qimminik qimuttussanik inissiisarfik, tassa qimmit qimunnginnerini. Qimmit tamarmik pitoqqassapput. Taamaattoqanngippat toqunneqarsin­naapput.

Kommune, annerusumik Teknikkikkut Immikkoortortaqarfiunerusoq, qimmilivissamik isumaginnittuusarpoq. Taamaattumik qimmilivittaarniaruit kommunimi najugarisanni teknik­kimut immikkoortortaq attaveqarfigissavat.

Qimmilivittaarniaruit 16-it sinnerlugit ukioqassaatit.

Malittarisassarpaaloqarpoq, illit qimmilivittaassaguit pigiinnarniarukkulu qimmiliviuti­littut malitassatit. Tamatumani soorlu pineqarsinnaallutik:
  • Qimmilivik saligaatsuutinneqassasoq – tamannalu soorlu ima paasineqassalluni, il­lit qimmiliviit eqqiluitsuutissagit saligaatsuutissallugulu
  • Aasaanerani qimmit masarlummiitinneqassanngitsut
  • Qimmit nerukkaatissanik imermillu pisariaqartitaminnik tuniorarneqartassasut

Qimmeqarfiit ataasiakkaarlutik aamma immikkut malittarisassaqartarput. Taamaat­tumik illit kommunimi najugaqarfigisanni sumiiffimmi malittarisassat pillugit attaveqarfi­gissavat.

Malittarisassat naammassineqanngippata, illit qimmiliviit annaasinnaavat, ajornerpaamillu pisoqartillugu aamma qimmitit annaasinnaallugit.

Aamma atuarsinnaasatit

Pinngortitamut, Avatangiisinut Ilisimatusarnermullu Naalakkersuisoqarfik
Imaneq 1A - 801
Postboks 1614
3900 Nuuk

Oqarasuaat: (+299) 34 50 00
Fax: (+299) 34 54 10
E-mail: pan@nanoq.gl
Nittartagaq: www.naalakkersuisut.gl
Uumasut Nakorsaqarfia Inuussutissalerinermullu Oqartussaqarfik (VFMG)
Postboks 269
Aqqusinersuaq 31, 2. tv.
3900 Nuuk

Oqarasuaat: (+299) 34 50 00
E-mail: uumasut@nanoq.gl

Kalaallit Nunaanni Uumasut Nakorsaqarfik Inuussutissalerinermullu Oqartussaaffimmut saaffiginninnerit qineutigineqarpoq tamakkerlutik siullermik nassiunneqassasut uunga uumasut@nanoq.gl