Aanngajaarniutinik aningaasanoornermillu ajornartorsiuteqarnermut katsorsartinneq

Nalinginnaasumik paasissutissiineq 

Makku arlaannik ajornartorsiuteqaruit katsorsartissinnaavutit:
• Imigassaq
• Hashi
• Aningaasanoorneq

Ikiorserneqassaguit kommunimut imaluunniit nunaqarfiup allaffianut saaffiginnissinnaavutit.
Nuummi najukkanniluunniit kommunimi katsorsartissinnaavutit.

Katsorsartinnissamut ikiorneqarnissaq pillugu Allorfiup qitiusumik katsorsaaviinut toqqaannartumik aamma saaffiginnissinnaavutit. Allorfiup qitiusumik katsorsaaviini attavissat nittartakkami www.allorfik.gl pissarsiarineqarsinnaapput.

Piumasaqaatit 

Ikiorneqarsinnaavutit:
• Aanngajaarniutinik imaluunniit aningaasanoornermik ajornartorsiuteqaruit katsorsartinnissamillu kissaateqaruit
• Ilaquttavit arlaat aanngajaarniutinik aningaasanoornermilluunniit ajornartorsiuteqarpat

Akigititat 

Katsorsartinneq
Aanngajaarniummik aningaasanoornermilluunniit ajornartorsiuteqarninnut katsorsartinnissamut innersuunneqaruit katsorsartinnissat akeqassanngilaq. Kommunerisannut saaffiginninnikkut innersuunneqassaatit. Nuummi katsorsartissaguit angalaneq ineqarnerlu Allorfiup/Atornerluineq pillugu Paasisimasaqarfiup akilissavai. Najukkanni kommunip iluani katsorsartissaguit kommunip angalaneq ineqarnerlu akilissavai.

Qanigisat katsorsartinneranni
Katsorsartittut tamarmik qanigisaat katsorsarneqarsinnaapput. Ilaquttavit ilaquttatut katsorsartinnissaq kissaatigippassuk illillu illoqarfigisavit avataani tamanna ingerlanneqassappat ilaquttavit angalanerat ineqarnerallu kommunip akilissavai.

Katsorsartinnissat ilaanni utaqqisoqarsinnaavoq.

Qinnuteqarneq 

Katsorsartikkumaguit:
• Kommunimi sullissisunnut saaffiginnissaatit
• Kommunimi sullissisut innersuussinermi immersugassamik immersuissaaq taannalu Allorfimmut nassiullugu
• Kommunip, katsorsaasut pisariaqarpallu peqqinnissaqarfiup katsorsartinnissamut pilersaarummik suleqatigiissuteqarsinnaanissaannut akuersissummik kommunimi sullissisuit atsioqqussavaatit
• Inuunermut aanngajaarniutinik atuiffiunngitsumut ikaarsaarneq oqinneroqqullugu kommunimi sullissisup illit suleqatigalutit katsorsartereerninni qanoq ikiorserneqarnissat pillugu pilersaarusiussaaq

Ingerlatseriaaseq 

Qinnuteqareeruit Allorfiup neqeroorummut ilinnut naleqquttumut innersuutissavaatit. Tamanna Nuummi kommunimiluunniit najukkanni pisinnaavoq. Aningaasanoorajuttuunermi Odense-mi aningaasanoorajuttunik qitiusumik katsorsaavimmi katsorsartittoqarsinnaavortaaq.

Inissaqalerniariarpat katsorsartinnissamut aggersarneqassaatit.

Ukiut pingasut tulliuttut ingerlanerini kommunini tamani katsorsaavinnik Allorfinnik pilersitsisoqassaaq. Qaqortumi, Nuummi Sisimiunilu katsorsaaveqarpoq. Illoqarfinni najukkani amerlasuuni Nuummilu Katsorsaavik suleqatigalugu aamma katsorsaasoqartarpoq kiisalu aningaasanoornermut tunngatillugu Odense-mi aningaasanoorajuttunut qitiusumik katsorsaavimmi katsorsartinnissamut neqerooruteqarlunissaaq.

Qaasuitsup Kommunia
Postbox 1023
3952 Ilulissat

Oqarasuaat: (+299) 94 78 00
Fax: (+299) 94 25 52
E-mail: qaasuitsup@qaasuitsup.gl
Nittartagaq: http://www.qaasuitsup.gl

Allorfik
Nalornissuteqassagaluaruit Allorfik attavigisinnaavat uunga:
E-mail: allorfik@allorfik.gl

Oqarasuaat: 52 53 43
Ulluinnarni ammarsarpoq nal. 8.30 - 15.30

Eqqaamajuk attavigigutsigut paasissutissatit nalunaarutiginissaat.