Isumaginninnermi Naammagittaalliuteqartarfimmut naammagittaalliuteqarit

Isumaginninnermi naammagittaalliuteqarnermi immersuiffissaq

Isumaginninnermi Naammagittaalliuteqartarfimmut naammagittaalliuteqarit 

Isumaginninnermi Naammagittaalliuteqartarfik isumaginnittoqarfiit immikkoortortaqarfiini qulliunerusuuvoq. Isumaqarporlu Kommunip oqaasiinnakkut kiisalu allakkatigut isumaginnittoqarfimmi aalajangiussaat naammagittaalliutigisinnaavatit. Aalajangiussat makku assersuutaasinnaapput
  • siusinaartumik pensionisiaqalernissamut itigartitaaneq
  • utoqqalineq pissutigalugu pensionisianik aaqqiissutit
  • meeqqannik pinngitsaaliissumik inissisoqartillugu
  • pisortanik ikiorsiissutinik naatsorsuinerit
  • innarluuteqarneq pillugu ikiorneqarnissamik qinnuteqarnermi itigartitaaneq

Aammattaaq naammagittaalliutigisinnaavatit aalajangiussat, aalajangerneqarsimasut Ilaqutariinnermut Inatsisinillu Atuutsitsinermut Naalakkersuisoqarfimmiit.

Isumaginninnermi Naammagittaalliuteqartarfiup ataatsimiititaliaat minnerpaamik ukiumut sisamariarlutik ataatsimiittarput, ilaasortanit suliat oqallisigineqarlutik, kiisalu aalajangiiffigineqarlutik.

Siulittaasoq pisinnaatitaavoq sulianik aalajangiisinnaalluni, assersuutigalugit sulianik makkuninnga:
  • Ineqarnermut tapiissutit annertussusissai
  • Siusinaartumik pensionisiat annertussusissai
  • Utoqqalineq pissutigalugu pensionisiat annertussusissai
  • Pisortanit ikiorsiissutit annertussusissai

Naammagittaalliuuteqarneq
Eqqumaffigissavat aallaavittut allakkat aalajangiussat ullulerneqarfianiik sapaatit akunneri sisamat qaangiutsinnagit naammagittaalliuteqassagavit. Tamannalu kisimi atuuppoq, kommunip naammagittaalliuteqarnissamik siunnersorsimappatit.

Naammagittaalliuteqarniaruit, imaaliorsinnaavutit:
  • naammagittaalliuummik immersuiffissaq immersorlugu. NemID-mik peqaruit, naammagittaalliuteqarnissamut immersuiffissaq toqqaannartumik attaveqaatitigoortumik nassiussinnaavat
  • allakkamik allallutit
  • e-mail-imik allallutit
  • fax-imik nassiussillutit
  • sianerlutit
  • imaluunniit takkullutit

Isumaginninnermi Naammagittaalliuteqartarfiup suliamik suliarinninnerminut iluaqutigissavai, uku ilanngullugit nassiukkukkit:
  • allakkatigut aalajangiussaq
  • takussutissalluunniit allat kommuniminngaanneersut

Isumaginninnermi Maalaaruteqartarfiup aalajangigai inaarutaasumik aalajangiinerusarput, taamaattumillu allaffissornikkut ingerlatsisunut allanut ingerlateqqinneqarsinnaanatik.

Aalajangiussat pinngitsaaliilluni meeqqanik inissiinermut aalajangiunneqartut kisimik eqqartuussivimmut saqqummiunneqarsinnaapput.


Malugiuk
Isumaginninnermi Naammagittaalliuteqartarfiup nittartagaa atorlugu sukumiinerusumik atuarsinnaavutit www.aua.gl. Nittartakkamittaaq nassaarisinnaavatit tunngaviusumik aalajangiussat, Isumaginninnermi Naammagittaalliuteqartarfiup aalajangigai, kommunillu Kalaallit Nunatsinniittut malitassaat.

Allaaserisat attuumassutillit

Qaasuitsup Kommunia
Postbox 1023
3952 Ilulissat

Oqarasuaat: (+299) 94 78 00
Fax: (+299) 94 25 52
E-mail: qaasuitsup@qaasuitsup.gl
Nittartagaq: http://www.qaasuitsup.gl

Isumaginninnermut, Ilaqutariinnut, Naligiissitaanermut Inatsisinillu Atuutsitsinermut Naalakkersuisoqarfik
Imaneq 4
Postboks 260
3900 Nuuk

Oqarasuaat: (+299) 34 50 00
E-mail: iniian@nanoq.gl
Nittartagaq: www.naalakkersuisut.gl
Isumaginninnermi Naammagittaalliuuteqartarfik
Postboks 689
3900 Nuuk

Oqarasuaat: (+299) 32 80 33
Fax: (+299) 32 88 29
E-mail: maalaarut@nanoq.gl

Ammasarfiit
Ulluni suliffiusuni 09:00 – 15:00