Meeqqat inuusuttullu ikiortariallit – Tarnip pissusaanik ilisimasalimmit ikiorneqarneq

Meeqqat inuusuttullu ikiortariallit – Tarnip pissusaanik ilisimasalimmit ikiorneqarneq 

Meeqqat inuusuttullu sakkortuunik misigisaqarsimasut, tarnip pissusaanik ilisimasalimmut imaluunniit ilaqutariinnut sullissivimmut innersuunneqarsinnaapput. Sakkortuumik misigisaqarneq assersuutigalugu tassaasinnaavoq, meeraq inuusuttorluunniit persuttarneqarsimasoq imaluunniit kinguaassiutitigut atornerlugaasimasoq.

Meeqqanut kinguaassiutitigut atornerlunneqarsimasunut angajoqqaajusut, tarnip pissusaanik ilisimasalimmut imaluunniit ilaqutariinnut sullissivimmut aamma innersuunneqarsinnaapput.

Ikiorneqarnissamik pisariaqartitsiguit, kommunerisat saaffigisinnaavat. Tassani sulianik suliarinnittartuit ikiussavaatit kiisalu tarnip pissusaanik ilisimasalimmit ikiorserneqarnissaq pisariaqartinnerit nalilissallugu.


Iliuusissatut pilersaarut
Tarnip pissusaanik ilisimasalimmut imaluunniit ilaqutariinnut sullissivimmut innersuussineq iliuusissatut pilersaarutip, meeraq inuusuttorlu pillugu suliani suliaqarnerminut atasumik sulianik suliarinnittartup suliarisimasaata ilagikkajuttarpaa.


Qinnuteqarneq
Meeqqamik inuusuttumilluunniit tarnip pissusiinik ilisimasalimmik oqaloqateqarnissamut sulianik suliarinnittartoq innersuussiumaguni, sulianik suliarinnittartoq qinnuteqaammik allagaqassaaq.

Qinnuteqaat meeraq imaluunniit inuusuttoq pillugu paasissutissanik imaqassaaq makkuusunik:

  • Inuup aqqa aamma inuup cpr. normua
  • Oqaatsit atugai (kalaallisut aamma – imaluunniit qallunaatut)
  • Inuttut atukkat
  • Peqqissutsimut tunngasut


Taakku saniatigut sulianik suliarinnittartup allaaserissavaa:

  • ikiorsiissutip aallartinneqartup suunera
  • meeqqap ilaqutaasalu ajornartorsiutaat
  • piffissami matumani meeqqap ilaqutaasalu atugaat
  • sullinneqartup tarnip pissusaanik ilisimasalimmik oqaloqateqartarnissamut suut ilimaginerai
  • sulianik suliarinnittartup tarnip pissusaanik ilisimasalimmik oqaloqateqartarnissamut ilimagisai


Meeraq inuusuttorluunniit tarnip pissusaanik ilisimasalimmik oqaloqateqareerpat, oqaloqatigiinnerit qassit ingerlanneqartariaqarnersut naliliiffigineqassaaq.

Allaaserisat attuumassutillit

Qaasuitsup Kommunia
Postbox 1023
3952 Ilulissat

Oqarasuaat: (+299) 94 78 00
Fax: (+299) 94 25 52
E-mail: qaasuitsup@qaasuitsup.gl
Nittartagaq: http://www.qaasuitsup.gl

Isumaginninnermut, Ilaqutariinnut, Naligiissitaanermut Inatsisinillu Atuutsitsinermut Naalakkersuisoqarfik
Imaneq 4
Postboks 260
3900 Nuuk

Oqarasuaat: (+299) 34 50 00
E-mail: iniian@nanoq.gl
Nittartagaq: www.naalakkersuisut.gl