Meeqqat inuusuttullu ikiortariallit – Misileraanermik aaqqissuussinerit

Meeqqat inuusuttullu ikiortariallit – Misileraanermik aaqqissuussinerit 

Perorsaasutut ilinniagaqarsimasoq kinaluunniit, meeqqanut inuusuttunullu inuuniarnikkut ajornartorsiuteqartunut tunngatillugu siunnersuutissaqartoq imaluunniit suliniut inunnik perorsaanermik imaqartoq pillugu isumassarsiatsialammik peqartoq, suliniut misileraalluni aaqqissuussinertut akuerineqartikkumallugu, kommunimut saaffiginnissinnaavoq. Suliniut misileraalluni aaqqissuussinertut akuerineqarpat, kommune Namminersorlutik Oqartussanut taassuma aningaasalersornissaanut tapiissutinik qinnuteqarsinnaavoq.

Misileraalluni aaqqissuussinerit suusinnaappulluunniit, assersuutigalugu ilinniagasserinermik aaqqissuussineq imaluunniit nutaamik suliffeqarfiliorneq.


Piumasaqaatit
Persorsaasutut ilinniagaqarsimasuuguit suliniummullu isumassarsiatsialammik kommunimut saqqummiukkusutannik peqarlutit, suliniut pillugu nassuiaammik suliaqassaatit. Suliniut inunnik perorsaanermik imaqartoq pillugu siunnersuutit, suliniut pillugu nassuiaat aallaavigalugu kommunip Namminersorlutillu Oqartussat naliliiffigisinnaavaat.


Qinnuteqarneq
Suliniut pillugu nassuiaat makkuninnga imaqassaaq

  1. Anguniagaq
  2. Perorsaanermi periaaseq
  3. Sulisorisat katitigaanerat atorfiillu amerlassusilerneqarnerat
  4. Ammasarfiit sivisussusaat
  5. Illuutit avatangiiserisallu
  6. Maleruaqqusat
    • Siunertaq
    • Aaqqissuussaanerup ilusaa aamma aalajangiisinnaassuseqarneq
    • Aningaasaqarnermik aqutsineq
    • Maleruagassat allanngortinneranni periuseq
    • Aningaasanik atuineq, aaqqissuussineq atorunnaarsinneqassagaluarpat
    • Qinnuteqaatip Namminersorlutik Oqartussanut nassiunneqarnissaa sioqqullugu maleruagassat kommunalbestyrelse-mit akuersissutigineqaqqaassapput
  7. Kommunip paasissutissinneqarsinnaanera nakkutilliisinnaanermullu pisussaaffia
  8. Nakkutilliinerup annertussusaa


Suliniut akuerineqassappat, taassuma aningaasalersornissaanut atugassanik kommune Namminersorlutik Oqartussanut qinnuteqarsinnaavoq.


Ukiumoortumik nalunaarut
Ukiumoortumik nalunaarummik suliaqarnissaq suliniutip akuerineqartup eqquutsissavaa. Ukiumoortumik nalunaarut tulliuttunik imaqassaaq:

  1. Ukiup ingerlanera pillugu nalunaarusiaq
  2. Sulinermut atatillugu kisitsisaatit aamma naatsorsuutitigut takussutissat
  3. Naatsorsuutit aamma missingersuutit kiisalu
  4. Anguniakkat aamma aappaagussamut suliassanut iliuusissatut pilersaarut


Malugiuk
Misileraanermik aaqqissuussineq ukiunik pingasunik sivisunerpaamik ingerlanneqarsinnaammat.

Allaaserisat attuumassutillit

Qaasuitsup Kommunia
Postbox 1023
3952 Ilulissat

Oqarasuaat: (+299) 94 78 00
Fax: (+299) 94 25 52
E-mail: qaasuitsup@qaasuitsup.gl
Nittartagaq: http://www.qaasuitsup.gl

Isumaginninnermut, Ilaqutariinnut, Naligiissitaanermut Inatsisinillu Atuutsitsinermut Naalakkersuisoqarfik
Imaneq 4
Postboks 260
3900 Nuuk

Oqarasuaat: (+299) 34 50 00
E-mail: iniian@nanoq.gl
Nittartagaq: www.naalakkersuisut.gl