Meeqqat inuusuttullu ikiortariallit – Danmark-imut inissiineq

Meeqqat inuusuttullu ikiortariallit – Danmark-imut inissiineq 

Meeraq inuusuttorluunniit pisuni ineriartornissaminik inuttullu atukkaminik ulorianartorsiortinneqarluni inuuppat, taamaammallu ikiorneqarnissamik pisariaqartitsilluni, kommune akulerunnissaminut pisussaatitaavoq. Meeqqap inuusuttulluunniit ajornartorsiutai ima issimappata, nunatsinni eqqortumik ikiorserneqarsinnaanani, meeraq inuusuttorluunniit nunatta avataanut inissinneqarsinnaavoq.

Meeqqamik inuusuttumilluunniit nunatta avataanut inissiinissaq pisariaqalersinnaavoq

  • nunatsinni ikiorsiinissamut aamma katsorsaanissamut periarfissat tamakkerlutik pigineqanngippata
  • imaluunniit meeqqap ineriartoqqinnissaa qulakkeerumallugu immikkut ittumik inissiivissamik pisariaqartitsisoqarpat


Nunatta avataanut meeraq inuusuttorluunniit inissinneqassasoq kommune imaluunniit illit angajoqqaatut isumaqarfigigukku, Ilaqutariinnermut, Kultureqarnermut, Ilageeqarnermut Naligiissitaanermullu Naalakkersuisoqarfimmut qinnuteqaat nassiunneqassaaq.

Qinnuteqaammut ilanngunneqartussat uppernarsaatit assigiinngitsut nassiunneqassapput:

  • Inunnik Isumaginninnermut Ataatsimiititaliap akuersissutaa aamma Ilaqutariinnermut, Kultureqarnermut, Ilageeqarnermut Naligiissitaanermullu Naalakkersuisumut allakkat
  • Iliuusissatut pilersaarut
  • Angajoqqaatut oqartussaassuteqartut akuersinerat
  • Paaqqutarinnittussamik toqqaasoqarsimappat eqqartuussivimmit uppernarsaatit
  • Nunatsinni periarfissat tamakkerlutik pigineqannginnera pillugu uppernarsaatit
  • Inissiivigineqartussaq pillugu nassuiaat
  • Inissiivigineqartussamit akuersissut


Malugiuk
Sumiiffik meeqqap inuusuttulluunniit ornitassaa, inuttut ineriartornissamik perorsaaffittut katsorsaavittullu naleqquttuussaaq.

Angajoqqaat namminneerlutik akiliisinnaanngippata aamma meeqqap inuunerata illersornissaanut akerliunngippat, meeraq inuusuttorluunniit ukiumut marloriarluni sunngiffeqarnermi angalanissamut pisinnaatitaaffeqarpoq. Pisuni immikkut ittuni, assersuutigalugu ilaqutaasut qaninnerpaat akornanni toqusoqarsimappat, immikkut ittumik angalanissaq atugassiissutigineqarsinnaavoq.

Inissiineq angajoqqaat akuersiseqqaarnagit aamma pisinnaavoq.

Aalajangiineq allaganngugaq tunngavilersugaallunilu naammagittaalliuuteqarnissamut ilitsersuummik ilaqartinneqartoq pissarsiarissallugu pisinnaatitaavutit. 

Allaaserisat attuumassutillit

Qaasuitsup Kommunia
Postbox 1023
3952 Ilulissat

Oqarasuaat: (+299) 94 78 00
Fax: (+299) 94 25 52
E-mail: qaasuitsup@qaasuitsup.gl
Nittartagaq: http://www.qaasuitsup.gl

Isumaginninnermut, Ilaqutariinnut, Naligiissitaanermut Inatsisinillu Atuutsitsinermut Naalakkersuisoqarfik
Imaneq 4
Postboks 260
3900 Nuuk

Oqarasuaat: (+299) 34 50 00
E-mail: iniian@nanoq.gl
Nittartagaq: www.naalakkersuisut.gl