Meeqqanut inuusuttunullu ikiortarialinnut angajoqqaajusut – Pisinnaatitaaffiit

Meeqqanut inuusuttunullu ikiortarialinnut angajoqqaajusut – Pisinnaatitaaffiit 

Meeqqavit atorfissaqartitaatut meeqqavit paaqqutarinissaa ajornakusoortoq imaluunniit meeqqat assersuutigalugu atornerluinermik ajornartorsiuteqartoq isumaqaruit, ikiorsiissutit assigiinngitsut neqeroorutaasinnaasut pigineqarput.

Illit:

  • peqqissaasunut ikiorti oqaloqatigisinnaavat
  • meeqqerivimmi meeqqavit perorsaasua oqaloqatigisinnaavat
  • atuarfimmi meeqqavit ilinniartitsisua oqaloqatigisinnaavat
  • kommunimi sulianik suliarinnittartoq attavigisinnaavat


Kommunip oqaloqatiginera naammanngippat, illit meeqqallu qanoq ikiorneqarsinnaanersusi nalilerumallugu kommune misissuinermik ingerlatsisinnaavoq. Matumani meeqqavit timersornermik aallussinissani, immikkut ittumik paaqqinnittarfimmi inissamik pissarsisinneqarnissani imaluunniit atuarfimmi immikkut ittumik tapersersorteqarnissani atorfissaqartissinnaavaa.

Aamma illit imaluunniit ilissi nammineq ikiorneqarnissarsi pisariaqartissinnaavarsi. Imerpallaarussi imaluunniit ulluinnarni meeqqassi aqunnissaa ajornartorsiutigigussiuk, ajornartorsiutip anigornissaanut kommune ikiuussinnaavoq, taamaalilluni ilissi meeqqassilu ulluinnarni ingerlanersi iluarsiiffigisinnaassagassiuk.


Kommunimik isumaqatigiinngissuteqarnermi pisinnaatitaaffiit
Meeqqat ikiorneqarnissamik pisariaqartitsisoq kommune isumaqarsinnaavoq, naak illit muminganik isumaqaraluartutit. Assersuutigalugu illit meeqqat piffissami sivikinnerusumi sivisunerusumiluunniit angerlarsimaffiup avataanut inissinneqarnissamik pisariaqartitsisoq kommune naliliisinnaavoq. Taamak pisoqarpat, immikkut ittunik pisinnaatitaaffeqarputit:


Pinngitsaaliilluni inissiisoqartillugu pisinnaatitaaffiit
Meeqqavit inissinneqarnissaa sioqqullugu, pisoq pillugu illit paasinneriaatsit kommunip ilisimaarisussaavaa. Inunnillu isumaginnermut ataatsimiititaliamut oqaaseqarnissannut kommunip periarfissittussaavaatit. Maleruagassat paasiuminaassinnaapput, imaassinnaavorlu kommunip meeqqavit inissinneqarnissaanik suliaqarnerata nalaani kommunip ilissinnut pissusilersornera naammaginngikkit. Taamaammat tamatuminnga ikiuisinnaasumik illersuisoqarnissaq pisinnaatitaaffigaat. Meeqqavit ikiorniarnerata aallunnissaanut imaluunniit illit nammineq ajornartorsiutivit iluarsiissutissaannik nassaarniarninni tamanna ilinnut periarfissiissaaq.


Tassanngaannartumik inissiinermi pisinnaatitaaffiit
Tassanngaannartumik meeqqat kommunimit inissinneqarsimappat, pisup kingorna kingusinnerpaamik akunnerit 24-it qaangiunnerini aalajangiineq pillugu ilisimatinneqartussaavutit. Meeqqavit inissinneqarnerata kingorna illit meeqqat pillugu iliuusissatut pilersaarummik kingusinnerpaamik ullut 14-it qaangiunneranni kommune suliaqassaaq.

Suliaq pillugu isummat iliuusissatut pilersaarummi allaqqassasoq piumasaqaatigisinnaavat.


Naammagittaalliuuteqarnissamut periarfissaq
Aalajangiinerup allaganngukkap tunngavilersuutitaqarlunilu naammagittaalliuuteqarnissamut ilitsersuummik ilaqartup pissarsiarinissaanut pisinnaatitaaffeqarputit. Kommunip aalajangiinera eqqortuunngitsoq isumaqaruit, tamanna pillugu naammagittaalliuuteqarsinnaavutit.

Allaaserisat attuumassutillit

Qaasuitsup Kommunia
Postbox 1023
3952 Ilulissat

Oqarasuaat: (+299) 94 78 00
Fax: (+299) 94 25 52
E-mail: qaasuitsup@qaasuitsup.gl
Nittartagaq: http://www.qaasuitsup.gl

Isumaginninnermut, Ilaqutariinnut, Naligiissitaanermut Inatsisinillu Atuutsitsinermut Naalakkersuisoqarfik
Imaneq 4
Postboks 260
3900 Nuuk

Oqarasuaat: (+299) 34 50 00
E-mail: iniian@nanoq.gl
Nittartagaq: www.naalakkersuisut.gl