Meeqqat inuusuttullu – Akisussaaffeqarneq

Meeqqat inuusuttullu – Akisussaaffeqarneq 

Angajoqqaat pisussaapput pisinnaatitaaffeqarlutillu meeqqaminnut 18-iliisimanngitsunut namminerluunniit aalajangiisinnaanissaat tikillugu isumaginnissallutik. Meeqqat assersuutigalugu pisariaqartippaat paaqqutarineqarneq, nerisaqartinneqarneq, nakorsartinneq, ilinniartitaaneq.

Angajoqqaat pisussaapput meeqqatik persuttaanernut kinguaassiutitigullu atornerluinernut illersussallugit. Angajoqqaat meeqqaminnik isumaginnissinnaanngippata isumaginnikkumanngippataluunniit kommune ikiorsiissaaq.

Kommunip suliat ingerlanneqartarnerat malillugit sullissisussaavoq, isumannaassallugulu:

  • meeqqap taassumalu pisariaqartitai qitiutinneqarnerat
  • meeqqap pisinnaatitaaffii ataqqineqarnissaat
  • inuit meeqqamut attuumassutillit peqatigalugit meeqqamut aaqqiiniutissanik ajornanngippat pilersitsineq
  • sapinngisamik angajoqqaat pisinnaatitaaffii ataqqineqarnissaat


Kommune iliuuseqassaaq, makkunannga pisoqarpat:

  • meeraq inuusuttorluunniit angajoqqaaminit isumageqqujunnaarpat
  • angajoqqaat meeqqaminnut isumaginnissinnaajunnaarpata
  • meeqqap persuttarneqarneratigut kinguaassiutitigulluunniit atornerlunneqarneratigut, angajoqqaat illersuinngippata
  • angajoqqaat namminneerlutik meeqqaminnut persuttaasimappata kinguaassiutitigulluunniit atornerluisimappata


Kikkulluunniit meeqqamik peqqissutsimigut ineriartornermigulluunniit ajornartorsiortumik paasisaqartut pisussaapput kommunimut nalunaaruteqarnissaminnut.

Sulisut sulinerminni meeqqamik akisussaaffillit nalunaaruteqarnissaminnut sakkortunerusumik pisussaaffeqarput.


Kommunip iliuuseqartarneranut
Kommunip iliuuseqarnissaanut, tamatigut meeqqap pisariaqartitaa aallaaviussaaq. Kommune imatut iliussaaq:

  • Pisariaqarpat, ingerlaannartumik iliuuseqassaaq
  • Ilaqutariit, meeraq angajoqqaalluunniit ikiussallugit, taamaalilluni meeqqap paaqqutarineqarnissamut pisariaqartitai tunniunneqaqqullugit, soorlu:
    • Oqaloqatiginninneq
    • Nerisassanik atisassanillu akuersissuteqarnikkut
    • Oqilisaassinertut inissiinikkut
    • Tapersersorteqarnikkut
    • Ilaqutariinnut inissiinermi – pikkorissarnernut peqataanernut
    • Efterskole-rnissamut tapersiinikkut
    • Ulloq-unnuarlu inissiisarfimmut imaluunniit ilaqutariinnut inissiineq
  • Kommune pinngitsaaliissummik iliuuseqarsinnaavoq, soorlu:
    • Katsorsaaneq
    • Ulloq-unnuarlu inissiisarfimmut imaluunnit ilaqutariinnut inissiineq

Allaaserisat attuumassutillit

Qaasuitsup Kommunia
Postbox 1023
3952 Ilulissat

Oqarasuaat: (+299) 94 78 00
Fax: (+299) 94 25 52
E-mail: qaasuitsup@qaasuitsup.gl
Nittartagaq: http://www.qaasuitsup.gl

Isumaginninnermut, Ilaqutariinnut, Naligiissitaanermut Inatsisinillu Atuutsitsinermut Naalakkersuisoqarfik
Imaneq 4
Postboks 260
3900 Nuuk

Oqarasuaat: (+299) 34 50 00
E-mail: iniian@nanoq.gl
Nittartagaq: www.naalakkersuisut.gl