Angajoqqaanik suleqateqarneq

Nalinginnaasumik paasissutissiineq 

Meeqqat atuarfiani siunertat amerlanersaat suleqateqarnermik tunngaveqarput. Suleqatigiinneq taanna atuarfimmi – atuarfimmulluunniit attuumassuteqartunut – sulisunut aamma ilinnut angajoqqaatut atuuppoq. Illit angajoqqaatut meeqqavit pitsaasumik atuartinneqarnissaanut akisussaaqataanerit annertoorujussuuvoq.

Meeqqavit atuarfia peqatigalugu ilaatigut makkua suleqatigiissutissaraasi:
  • Meeqqavit piffissaq eqqorlugu atuariartortarnissaa
  • Meeqqavit qasuersimalluni piumassuseqarlunilu atuariartortarnissaa
  • Meeqqavit ilinniakkerisarnissaa
  • Illit angajoqqaatut atuarfiup angajoqqaanik ataatsimiititsinissanut ataatsimiinnissanullu allanut illit meeqqannut tunngassuteqartunut aggersaanerinut takkuttarnissat
  • Illit angajoqqaatut pisariaqartitsiguit atuarfimmik ataatsimeeqateqarnissamut
  • Meeqqat atuariartunngippat atuarfimmut nalunaaruteqarnissat

Atuarfiup siulersuisui 

Angajoqqaatut annertunerusumik oqartussaaqataarusukkuit meeqqavit atuarfiani atuarfiup siulersuisuinut qinigassanngortissinnaavutit.

Atuarfiup siulersuisuisa sulinerat pillugu paasissutissat atuakkit

Angusakka 

Ukiuni atuarfiusuni tamatigut ikinnerpaamik marloriarlutit angajoqqaatut meeqqavit atuarnera pillugu paasitinneqartassaatit. Atuarfiit amerlanersaasa pilersaarusioriaaseq nalileeriaaserlu taaguuteqartoq Angusakka atortarpaat, ilaatigut qaammatini november/december aamma maj/juni oqaaseqaatinik iliuusissatullu pilersaarutinik suliaqarnissaminnut.

Angusakka pillugit paasissutissat atuakkit

Iliuusissatut pilersaarut 

Illit angajoqqaatut meeqqavit ilinniagassaanut pilersaarusioqataasinnaavutit.
Taamaaliorneq tassaavoq meeqqavit ilikkagassami ilikkarusutamilu angunissaanut qulakkeerinnissinnaaneq pitsaasoq.

Iliuusissatut pilersaarutit ataasiakkaat pillugit paasissutissat atuakkit

Meeqqanut, Kulturimut Sunngiffimmullu Ingerlatsivik
Noah Mølgårdip aqq. 9
Postboks 1023
3952 Ilulissa
Telefon.: 947800

Qaasuitsup Kommunia
Postbox 1023
3952 Ilulissat

Oqarasuaat: (+299) 94 78 00
Fax: (+299) 94 25 52
E-mail: qaasuitsup@qaasuitsup.gl
Nittartagaq: http://www.qaasuitsup.gl