Atuarfiup paaqqinnittarfia – Nalinginnaasumik paasissutissiineq

Nalinginnaasumik paasissutissiineq 

Atuarfiup paaqqinnittarfia meeqqanut tamanut arfinilinniit qulingiluat tikillugit ukiulinnik paarsinissamut neqeroorutaavoq. Atuarfiup paaqqinnittarfia nalinginnaasumik ulluinnarni nal. 07.00-miit 17.00-imut ammasarpoq, taamaalilluni meeqqavit atuarnissaq sioqqullugu atuareernermilu, illit sulinivit nalaani paarineqarnissaminut periarfissaqarpoq.

Atuarfiup paaqqinnittarfia nammineq piumassuseq aallaavigalugu neqeroorutaavoq.

Illoqarfinni tamani aamma nunaqarfinni amerlanerpaani atuarfiup paaqqinnittarfianik aaqqissuussineq atuuppoq, taanna atuarfimmiinngikkuni najukkammi sunngiffimmi ornittakkamiittarpoq.

Meeqqavit atuarfiup paaqqinnittarfimmiinniissaa kissaatigigukku, illit kommunit imaluunniit najukkanni atuarfiup paaqqinnittarfia attaveqarfigissavat.


Maligiuk

Illit kommunivit atuarfiup paaqqinnittarfiani aqutsisut sulisullu piginnaasaqarluartut atorfinitsittarpai. Tamatuma kingunerisaanik ilaatigut, kommunip atuarfiup paaqqinnittarfiani inummik atorfinitsitsinnginnermini, pineqartoq pinerluuteqarsimannginnermut uppernarsaateqarnersoq kommunip takusinnaasussaavaa.

Illit meeqqat qulingiluat sinnerlugit ukioqarpat, taarsiullugu sunngiffimmi ornittakkamit akiliuteqarnikkut paarineqarsinnaavoq.

 

Akigititat 

Kommunini atuarfiup paaqqinnittarfii atorniaraanni akiliisarnissaq aaliangersorneqartarpoq kommunit ilanngaateqanngitsumik aningaasartuutaat atuarfiit paaqqinnittarfiinut missingersuussat agguaqatigiissinnerat aammalu aningaasaqarnikkut inissisimaneq akilersuisumi akilersuisuniluunniit.

 

Qinnuteqarneq 

Meeqqat atuarfiup paaqqinnittarfianiitinniarukku, kommunerisat imaluunniit paaqqinnittarfik attavigiuk.

 

Naammagittaalliuteqarneq 

Naalakkersuisut Kommunalbestyrelsellu aalijangiineri Inatsisartut inatsisaanni matumani pineqartut allaffissornikkut oqartussaasunut allanut maalaarutigineqarsinnaanngillat
Aalijangersakkat kommunalbestyrelseniit aalijangiunneqartut, isumaqatigiissut naapertorlugu sulianut Naalakkersuisut kommunalbestyrelsemut tunniunneqarnikunut tunngasut, sapaatip akunneri sisamanngortinnagit suliap aalinagerneqarnerata nalunaarutigineqarneranit Naalakkersuisunut saqqummiunneqarsinnaavoq.