Timersornermi atugassiat – Nalinginnaasumik paasissutissiineq attartornerlu

Timersornermi atugassiat – Nalinginnaasumik paasissutissiineq attartornerlu 

  • Qaasuitsup Kommunia

    Qaasuitsup Kommuniani timersortarfiit pillugit annertunerusumik paasisaqarumaguit imaluunniit atorniaruit, attaveqarfigisinnaavat:
    • Ilulissat Timersortarfiat oqarasuaammut uunga 94 78 30
    • Aasiaat Timersortarfiat oqarasuaammut uunga 89 23 01
    • Qaanaap Timersortarfia oqarasuaammut uunga 97 28 26

    Akigititat
    Akigititat atuuttut kommunip akinut allattorsimaffianni takusinnaavatit.

    Akit allattorsimaffiat - 2017

    Malugiuk
    Timersoqatigiiffiit arsaattarfimmik atuinissamik kissaateqartut kommunip suliamut ingerlatsivianut inissamik inniminniissapput. Suliamut ingerlatsiviup timersoqatigiiffiit suleqatigalugit upernaap ingerlanerani malitassatut takussutissiaq suliarisarpaa, tassani takuneqarsinnaassaaq timersoqatigiiffiit assigiinngitsut arsaattarfimmik piffissap qanoq ilinerani atuissanersut. Arsaattarfik timersoqatigiiffinnit atorneqanngikkaangat, kikkunnilluunniit atorneqarsinnaavoq.
Timersuutit amerlanerit, assersuutigalugu sulorarneq, assammik arsarneq aamma isikkamik arsarneq, timersornermi atugassiat immikkut ittut soorlu timersortarfiit aamma arsaattarfiit atorlugit aatsaat ingerlanneqarsinnaapput. Tamatuma kingunerisaanik timersoqatigiiffiit assigiinngitsut timersortarfinni imaluunniit arsaattarfinni sungiusarnissamut imaluunniit unammersuarnerit ingerlanneqarnissaannut piffissamik atugassinneqarnissamik inniminniisariaqartarput.


Timersortarfiit
Timersortarfiit suliffeqarfiupput imminnut pigisut imaluunniit kommunimit pigineqartut. Timersortarfiit ulluunerani ingerlatsiffinnit assigiinngitsunit assersuutigalugu atuarfinnit aamma utoqqaat peqatigiiffiinit atorneqartarput. Ingerlatsiffinnit taakkuninnga timersortarfiit atorneqanngikkaangata – nalinginnaasumik ualikkut, unnukkut aamma sapaatit akunnerisa naaneranni – timersortarfiit timersoqatigiiffinnit attartorneqarsinnaapput.

Timersornerup ukiuata aallartinnginnerani qaammammi juli-mi august-imiluunniit timersortarfimmi timersuutinik sammisassat aalajangersimasut pillugit malitassatut takussutissiamik kommunimi suliamut ataatsimiititaliaq timersortarfik suleqatigalugu suliaqartarpoq. Malitassatut takussutissiaq ukioq ataaseq atuuttarpoq, tassanilu takuneqarsinnaavoq timersoqatigiiffiit assigiinngitsut piffissap qanoq ilinerani timersortarfimmik attartortussaanersut.

Kulturikkut aaqqissuussanut annerusunut saqqummiunneqarsimasunut timersortarfik aamma atorneqartarpoq. Tassaasinnaapput:
  • Tusarnaartitsinerit
  • Isiginnaartitsinerit
  • Saqqummersitsinerit

Timersortarfik attartorumagukku assersuutigalugu tusarnaartitsinermut, timersortarfiup pisortaa saaffigissavat taassumalu qanoq iliussanersutit oqaluttuutissavaatit.


Arsartarfiit
Arsartarfiit kommuninit pigineqarput. Tamatuma kingunerisaanik:
  • Arsaattarfiit ingerlanneqarnerannut aserfallatsaalinerannullu kommune akisussaasuuvoq
  • Arsaattarfiit atornerat akeqanngilaq

Allaaserisat attuumassutillit

Qaasuitsup Kommunia
Postbox 1023
3952 Ilulissat

Oqarasuaat: (+299) 94 78 00
Fax: (+299) 94 25 52
E-mail: qaasuitsup@qaasuitsup.gl
Nittartagaq: http://www.qaasuitsup.gl