Kulturikkut aaqqissuussinernut tapiissutit – Nalinginnaasumik paasissutissiineq qinnuteqarnerlu

Kulturikkut aaqqissuussinernut tapiissutit – Nalinginnaasumik paasissutissiineq qinnuteqarnerlu 

  • Qaasuitsup Kommunia

    Qinnuteqaat ilanngussanik ilaqartoq nassiutissavarsi uunga:

    Kultureqarnermut, Ilinniartitaanermut Sunngiffimmullu Ingerlatsivik
    Postboks 1023
    3952 Ilulissat

    Peqatigiiffik sinnerlugu qinnuteqarussi, ilanngullugit nassiutissavasi:
    • Ataatsimeersuarnermit kingullermit imaqarniliaq aamma naatsorsuutit akuerisat
    • Peqatigiiffiup malittarisassai


    Malugiuk
    Kulturikkut Illorsuup Sermermiut atorneranut akigititat takusinnaavasi uani.

    Kulturikkut aaqqissuussinernut tapiissutit pillugit annertunerusumik paasisaqarumagussi, Ilulissani kulturikkut illorsuaq Sermermiut attaveqarfigisinnaavarsi, oqarasuaammut uunga 94 76 68.

Kulturikkut aaqqissuussinernut atatillugu aningaasartuuterpassuusinnaapput. Kulturikkut suliniutit tapersersornissaat kommunit soqutigisarimmassuk, kulturikkut aaqqissuussinernik aaqqissuussinissamut tapiiffigineqarnissaq taamaammat kommuninut qinnuteqaatigineqarsinnaavoq. Kulturikkut aaqqissuussineq assersuutigalugu tassaasinnaavoq:

  • Isiginnaartitsineq
  • Qitinnermik takutitsineq
  • Nuannatsitsinerit assigiinngitsut
  • Unnuk kulturisiorfik


Kulturikkut aaqqissuussanut tapiissutit atorneqarsinnaapput assersuutigalugu makkununnga

  • Angalanernut aningaasartuutit
  • Najugaqarnermut aningaasartuutit
  • Ajunngitsorsiassat
  • Ininik atornermut akiliutit


Piumasaqaatit
Inuit ataasiakkaat aamma peqatigiiffiit, kulturikkut aaqqissuussinissamik kissaateqartut, tapiiffigineqarnissamik qinnuteqarsinnaapput. Kulturikkut aaqqissuussinermut tapiissutinik pissarsisinnaajumagaanni:

  • Aaqqissuussinerit innuttaasunut tamanut ammasuussapput
  • Aaqqissuussinerit naalakkersuinermut, upperisarsiornermut imaluunniit peqatigiiffilerinermi sulianut attuumassuteqassanngillat


Tapiissutit pissarsiarisimasasi tamakkerlugit atorsimanngikkussigit, aningaasat sinneruttut kommunimut utertittussaavasi. Tamatuma kingunerisaanik, allannguutit tapiissuteqarnermut sunniuteqartut paasissutissiissutiginissaannut pisussaatitaavusi.


Qinnuteqarneq
Kulturikkut aaqqissuussinissanut tapiissutinik ukioq kaajallallugu qinnuteqarsinnaavusi. Tapiissutinik qinnuteqarussi, ilanngullugit nassiutissavasi:

  • Qinnuteqaat allaganngugaq
  • Aaqqissuussinermut missingersuutit
  • Aaqqissuussinermi inuit kikkut samminiarneqarnersut pillugu nassuiaat


Aaqqissuussinissarsi kingusinnerpaamik qaammammik ataatsimik sioqqullugu, najukkassinni kultureqarnermut ingerlatsivimmut qinnuteqaat nassiutissavarsi.

Kommunimi suliamut ataatsimiititaliap tapiissutinik pissanersusi aamma pissarsissagussi qanoq annertutigisumik pisinnaassanersusi aalajangertarpaa. Kultureqarnermut ingerlatsiviup qinnuteqaatissinnik suliaqareeruni attaveqarfigissavaasi.

Allaaserisat attuumassutillit

Ilinniartitaanermut, Kultureqarnermut Ilisimatusarnermut Ilageeqarnermullu Naalakkersuisoqarfik
Imaneq 4
Postboks 1029
3900 Nuuk

Oqarasuaat: (+299) 34 50 00
E-mail: ikiin@nanoq.gl
Nittartagaq: www.naalakkersuisut.gl