Assassornermut sulliviit – Nalinginnaasumik paasissutissiineq

Assassornermut sulliviit – Nalinginnaasumik paasissutissiineq 

  • Qaasuitsup Kommunia

    Qaasuitsup Kommuniani assassornermut sulliviit paasisaqarfiginiarukkit, Kultureqarnermut, Ilinniartitaanermut Sunngiffimmillu Ingerlatsivik attaveqarfigissavat oqarasuaammut uunga 94 79 44 imaluunniit 94 76 57.

    Tassani ilaatigut paasisinnaavatit:
    • Assassornermut sulliviit sumiinnersut
    • Piffissap qanoq ilinerani ammasarnersut
    • Atornerat qanoq akeqarnersoq

    Malugiuk
    Illoqarfinni assigiinngitsuni piumasaqaatit assigiinngitsuupput.

Assassornermut sullivik innuttaasunut tamanut assassornermik soqutigisaqartunut sulliviuvoq ammasoq. Assassornermut sulliviit amerlanerit atorneri akeqanngillat. Sumiiffiilli ilaanni assassornermut sullivimmik atuisinnaajumagaanni eqqumiitsuliortut peqatigiiffiannut ilaasortaanissaq pisariaqartarpoq.

Assassornermut sulliviup init atortullu pisariaqartut atugassiissutigisarpai. Assersuutigalugu tassaasinnaapput:

  • Maskiina moreersit (slibemaskine)
  • Maskiinamik pilattuutit
  • Maskiinamik qillarissaatit
  • Sannatit assigiinngitsut


Assassornermut sulliviup atortussat atugassiissutigineq ajorpai. Taamaattoq sulliviit ilaanni atortussat pisiarinissaannut periarfissaqarsinnaavutit. Atortussat pisiarisinnaanngikkukkit, nammineq nassartariaqarpatit. Assersuutigalugu tassaasinnaapput:

  • Ukkusissaq
  • Nassuit
  • Qilalukkap tuugaavi
  • Ujaqqat erlinnartut


Assassornermut sullivimmi sanaatit, toqqaannartumik assassornermut sullivimmut tuniniarsinnaavatit. Sanaatit aamma tuniniarsinnaavatit:

  • Pisiniarfinnut eqqumiitsulianik nioqquteqartunut
  • Unnuisarfinnut
  • Imaluunniit aqqusinermi tuniniaanermi


Malugiuk
Illit kommunerisavit assassornermut sullivik aningaasalersorlugulu nakkutigisaraa. Kommunivillu aamma ammasarfiit aalajangertarpai.

Assassornermut sulliviit illoqarfinni tamani pigineqanngillat.

Allaaserisat attuumassutillit

Ilinniartitaanermut, Kultureqarnermut Ilisimatusarnermut Ilageeqarnermullu Naalakkersuisoqarfik
Imaneq 4
Postboks 1029
3900 Nuuk

Oqarasuaat: (+299) 34 50 00
E-mail: ikiin@nanoq.gl
Nittartagaq: www.naalakkersuisut.gl