Kulturikkut illuutit – Nalinginnaasumik paasissutissiineq

Kulturikkut illuutit – Nalinginnaasumik paasissutissiineq 

Kulturikkut illu tassaavoq illu kulturikkut aaqqissuussinernut assigiinngitsunut atorneqartartoq. Soorlu assersuutigalugu
  • Tusarnaartitsinerit
  • Isiginnaartitsinerit
  • Inuiattut qitinnerit
  • Filmertitsinerit
  • Eqqumiitsulianik takutitsinerit
  • Ataatsimiinnerit
  • Nalinginnaasumik kulturikkut aaqqissuussinerit

Kalaallit Nunaanni kulturikkut illuutit pisortatigoortut pingasut pigineqarput:
  • Sisimiuni Taseralik, suliffeqarfiuvoq imminut pigisoq. Taseralik attaveqarfigisinnaavat oqarasuaammut uunga 86 28 00
  • Nuummi ippoq Kalaallit Nunaata kulturimut illorsua Katuaq, suliffeqarfik imminut pigisuusoq. Katuaq attaveqarfigisinnaavat oqarasuaammut uunga 36 37 70
  • Ilulissani Sermermiut, Qaasuitsup Kommunianit pigineqarlunilu ingerlanneqarpoq. Sermermiut attaveqarfigisinnaavat oqarasuaammut uunga 94 25 00 imaluunniit e-mail-ikkut allaffigisinnaavat uunga sermermiut@hallen.gl. Akigititat atuuttut kommunip akinut allattorsimaffianni takusinnaavatit. Akit allattorsimaffiat - 2016

Kulturikkut illuutit init pigisaat, aaqqissuussinernik angisuunik aaqqissuussinissat kissaatigigukku ininillu eqqortunik amigaateqaruit atorsinnaavatit. Init atornerannut akigititat allanngorarsinnaapput apeqqutaalluni
  • Init sorliit atorniarneritit
  • Kulturimut illu sorliunersoq

Kulturikkut illuutip aalajangersimasup ataatsip iniutai atorusukkukkit, kulturikkut illu attaveqarfigissavat. Kulturikkut illuutit sulisoqarput, aaqqissuussinerit ataqatigiissaarnerannik isumaginnittartunik.


Malugiuk
Kulturikkut illuutit suleqatigiinnerisigut pulaartoqarluni aaqqissuussinerit aaqqissuunnissaannut aamma periarfissaqarpoq. Pulaartoqarluni aaqqissuussinermik aaqqissuussinissat kissaatigigukku, Air Greenland-ip angalanernut aningaasaateqarfianut aningaasaliisussarsiorsinnaavutit.

Allaaserisat attuumassutillit

Ilinniartitaanermut, Kultureqarnermut Ilisimatusarnermut Ilageeqarnermullu Naalakkersuisoqarfik
Imaneq 4
Postboks 1029
3900 Nuuk

Oqarasuaat: (+299) 34 50 00
E-mail: ikiin@nanoq.gl
Nittartagaq: www.naalakkersuisut.gl