Peqatigiiffiit – Pilersitsineq

Peqatigiiffiit maana nalunaarsortiguk

Peqatigiiffiit – Pilersitsineq 

  • Qaasuitsup Kommunia

    Peqatigiiffiit sorliit Qaasuitsup Kommuniani nalunaarsorneqarsimanersut paaserusukkussiuk, Kultureqarnermut, Ilinniartitaanermut Sunngiffimmullu Ingerlatsivik attaveqarfigisinnaavarsi, taassuma peqatigiiffiit nalunaarsorneqarsimasut tamakkerlugit allattugaatigai. Taakku saniatigut peqatigiiffiit allattorsimaffiat kommunip nittartagaani takuneqarsinnaavoq.

    Ilulissani kultureqarnermut ingerlatsivik attaveqarfigisinnaavarsi oqarasuaammi uani 94 79 44 aamma 94 76 57.

    Taamatuttaaq qarasaasiakkut e-mail-imik nassiussisinnaavusi uunga meo@qaasuitsup.gl.

Peqatigiiffik tassaavoq inuit ataatsimoorfiat, ataatsimoorullugu assersuutigalugu timersornikkut, nipilersornikkut kulturikkulluunniit soqutigisartik pillugu naapittarfiat. Peqatigiiffiit nalinginnaasumik ilisarnaatigisarpaat aaqqissuussaasarnertik. Tamatuma nassatarisaanik ulluni aamma piffissani aalajangersimasuni ataatsimoortarput, siulittaasoqartarput peqatigiiffimmilu ilaasortaaniaraanni akiliuteqartoqartarpoq. Peqatigiiffittut pilersinneqarsimagaanni arlalissuarnik iluaquteqarsinnaavoq. Ilaatigut assersuutigalugu aaqqissuussinerit ingerlanneqarnissaannut kommuninit aamma Namminersorlutik Oqartussanit tapiiffigineqarnissamik qinnuteqartoqarsinnaavoq.

Tunngaviusumik kikkulluunniit peqatigiiffimmik pilersitsisinnaapput isumartillu malillugu aaqqissuussamik pilersitsillutik. Peqatigiiffimmik aallartitsiniarussi malittarisassanik sanassaasi, minnerpaamik tulliuttunik nassuiaasuusunik:

  1. Peqatigiiffiup aqqa najugaalu
  2. Peqatigiiffiup siunertaa
  3. Ilaasortat
  4. Ilaasortanngorneq aamma ilaasortaajunnaarneq
  5. Ilaasortaanermut akiliut
  6. Siulersuisut inuttarineqassallutillu, siulittaasoq, siulittaasup tullia, aningaaserisoq, allatsi, siulersuisunut ilaasortat aamma sinniisussat
  7. Siulittaasup aamma aningaaserisup akisussaaffii
  8. Nalinginnaasumik ataatsimeersuarneq
  9. Ataatsimeersuarnerup immikkut ittumik ataatsimeersuarnertut ingerlanneqarnera
  10. Peqatigiiffiup atorunnaarsinneqarnera
  11. Peqatigiiffiup pilersinneqarnerata ullua


Malittarisassat suliarereerussigit, ilaasortanit akuersissutigineqassapput. Tamanna ataatsimeersuarnermi pigajuppoq.


Malugiuk
Soqutigisaqaqatigiiffinnut naalakkersuinermik, upperisamik aamma suliffeqarnermik ingerlataqartunut tapiissutinik tunniussisoqarneq ajorpoq.

Allaaserisat attuumassutillit