Peqatigiiffiit – Nalinginnaasumik paasissutissiineq

Peqatigiiffiit – Nalinginnaasumik paasissutissiineq 

Peqatigiiffik tassaavoq inuit arlallit soqutigisaqatigiiffiat, soorlu timersortartut, nipilersortartut kulturilerisullu naapittarfiat. Peqatigiiffiit amerlanertigut ilisarnaatigisarpaat aaqqissuussaasumik ingerlanneqartaramik. Tassa imaappoq, ulluni naapiffissani aalajangersimasuni naapittarput, siulittaasoqarput, peqatigiiffimmullu ilaasortaanerminnut akiliuteqartarlutik.

Nalinginnaasumik oqarsinnaavugut kikkulluunniit peqatigiiffiliorsinnaasut piumasaminnillu aaqqissuullugu.

Peqatigiiffippassuit pisortanit aningaasanik tapiissutinik pisarput. Peqatigiiffimmi sulinerminni atugassaminnik tapiiffigitikkusuttumi suleqataaguit piumasaqaatit arlallit naammasseqqaagassaraatit. Peqatigiiffik pisortanit taperneqartassaguni

  • siulersuisoqartariaqarpoq
  • malittarisassaqartariaqarpoq peqatigiiffimmut inatsisaasunik
  • ilaasortat nalunaarsorneqartariaqarput
  • aningaasartuutissanut missingersuusiortariaqarpoq naatsorsuuteqartariaqarlunilu
  • pisortanit tapiissutit sumut atorneqarneri nalunaarutigisariaqarpai


Kommunit ataasiakkaat tapiissutit qanoq agguarneqarnissaannut immikkut inatsiseqarput maleruagassaqarlutillu. Tassa peqatigiiffiit ataasiakkaat qanoq annertutigisumik tapiissutisinissaannut aalajangersimasumik maleruagassaqanngilaq.


Malugiuk
Suliniaqatigiiffeqarpoq peqatigiiffeqarlunilu tapiissutisisinnaanngitsunik:

  • Peqatigiiffiit upperisarsioqatigiit
  • Peqatigiiffiit politikkimik suliallit
  • Sulinermik inuussutissarsiuteqartut peqatigiiffii


Illit peqatigiiffissiluunniit tapiissutisisinnaanerlusi qanorlu annertutigisumik pisinnaanerlusi paaserusukkussiuk kommunissinni kulturimut immikkoortortamut saaffiginnissinnaavusi. Tassani aamma tapiissutinik qinnuteqaammik allagaqarnissassinnut ikiorserneqarsinnaavusi. Kommunittaaq peqatigiiffissi ataatsimiittarfigisinnaasaanik pissarsiornissinni ikiorsinnaavaasi.

Allaaserisat attuumassutillit