Innuttaasunut atuagaateqarfiit

Innuttaasunut atuagaateqarfiit  

Atuagaateqarfimmi atuakkanik, atuagassianik aamma atuakkanik immiussanik atorsinnaavutit.
Atuagaateqarfinni amerlanerpaani taamatuttaaq video-nik aamma DVD-nik kiisalu aquutilerluni aamma qarasaasiatigut pinnguaatinik atorsinnaavutit.

Innuttaasunut aamma atuarfinni atuagaateqarfiit illoqarfinni tamani nunaqarfinnilu amerlanerpaani pigineqarput. Kalaallit Nunaata atuagaateqarfia Nuummiittoq, Kalaallit Nunaannut tamarmut qitiusumik atuagaateqarfiuvoq ilutigisaanillu Nuummi innuttaasunut tamanut atuagaateqarfiutigaluni. Nunatta atuagaateqarfiani atuagassiat nutaanerpaat aamma aviisit inimi atuartarfimmi atuarsinnaavatit.

Atuagaateqarfiit tamanit atorneqarsinnaapput – aamma sivikitsumik tikeraartunit takornarianiillu.

Najukkanni atuagaateqarfiup atuagassiaq ujartukkat piginngippagu, atuagaateqarfiup qitiusumik atuagaateqarfimmut atuakkat inniminnersinnaavai. Atuakkat inniminnerneqartut qitiusumik atuagaateqarfimmut utertinneqarnerat illit nammineq akilertussaavat.

Atuagaateqarfimmi sulisut paasissutissanik sunaluunniit pillugu ujarlerninni ikiorsinnaavaatsit. Atuagaateqarfiit ilaanni, assersuutigalugu nunatta atuagaateqarfiani, qarasaasianik internet-imut attaveqartunik peqartoqarpoq. Qarasaasiat atorneri akeqanngillat, taamaattoq piffissamik inniminniisariaqartussaassaatit. Tamatuma saniatigut atuagaateqarfiit ilaanni nuutsitanik sanasinnaavutit.

Allaaserisat attuumassutillit

Innuttaasunut atuagaateqarfiit