Uumasut Nakorsaqarfik Inuussutissalerinermullu Oqartussaaffik (UNIO) – Nalinginnaasumik paasissutissiineq

Uumasut Nakorsaqarfik Inuussutissalerinermullu Oqartussaaffik (UNIO) – Nalinginnaasumik paasissutissiineq 

Kalaallit Nunaanni Uumasut Nakorsaqarfik Inuussutissalerinermullu Oqartussaaffik (UNIO) Namminersorlutik Oqartussani oqartussaaffiuvoq nunatsinni nerisassat isumannaatsuunissaannik, uumasut nakorsaqartinnerisigut upalungaarsimanermik uumasullu atugarissaarnissaanik pingaarnertigut akisussaaffeqartoq.

Nunatsinni uumasunut nakorsaqartitsinerup nerisassallu tungaasigut akisussaassuseqarneq Namminersorlutik Oqartussanit aamma Ministeriet for Fødevarer, Landbrug og Fiskeri i Danmark-imit avillugu isumagineqarpoq. Fødevarestyrelsen-i Danmark suliffeqarfiit neqinik nerpinnillu suliaqartut akuersissutinik tunineqarnissaat nakkutigineqarnissaallu pillugit qullersaalluni oqartussaaffiuvoq, oqartussaaffinnullu ilaallutik angallassuit suliffiusut avammut niuernissamut akuerineqarsimasut.

UNIO-mit suliassaqarfiit makku isumagineqarput:

  • Suliffeqarfiit nerisassalerinermik suliaqartut tunisassiortullu nerisassanik nunatsinnut tunisassiortut, akuersissuteqartarneq, ilitsersuineq nakkutilliinerlu
  • Toqoraaviit – neqit suugaluartulluunniit nunatsinni tunisassatut naatsorsuussat misissorneqarneri (kalaalimineerniarfinni tuniniagassat kisiisa pinnagit)
  • Nerisassat isumannaatsuunissaat – upalungaarsimaneq, assersuutigalugu nerisassat tunineqarsinnaajunnaartut pillugit atuisunut paasissutissiinerit. Nappaatinik nerisassat aqqutigalugit tunillaassuussinnaasunik sumiissusersiuinerit, taakkununnga ilaalluni nunat tamalaani susassaqartunut nalunaarusiortarneq
  • Imeq inunnut naatsorsuussaq – erngup inunnit imerneqartussap tappiorannartutigut pitsaassutsimigut nalilersornera nakkutigineqarneralu kiisalu inassutinik innuttaasunut suliffeqarfinnullu tunniussinerit
  • Uumasut atugarissaarnissaat uumasunillu illersuineq – nakkutilliineq ilitsersuinerlu. Uumasut tamarmik matumani pineqarput, Nunarput tamakkerlugu pingaartumik qimuttunik qimuttoqarfinni aammalu uumasunik illumiititanik kiisalu uumasuutigisanik nakkutilliineq
  • Inunnik peqqinnissaqarfinneersunik nakorsaatinillu ikiorteqarneq – qimuttunut, qimminut savanik paarsisunut uumasuutinullu tunngatillugu. Malugissavat uumasuutigisat UNIO-mit suliaritissinnaanngimmat
  • Uumasut nappaataannut upalungaarsimaneq – uumasut nappaataannik nalunaarutigineqartussaatitaasunik nunat tamalaani susassaqartunut assigiinngitsunut nakkutilliinermik nalunaarusiornermillu nalunaaruteqarneq
  • Zoonoser – zoonosinik (nappaatit uumasuniit inunnut tunillaassinnaasut) nakkutiginninneq, nalunaaruteqartarneq akiuiniarnerlu, soorlu trikin-it perlerornerillu
  • Inuit peqqissuunissaat – nerisaqarneq pillugu siunnersuisoqatigiinnut, nappaatit tunillaattartut pillugit ataatsimiititaliamut peqataaneq – Ship Sanitation Certificates-inik tunniussisartoq
  • Peqqissutsimut uppernarsaatinik tammajuitsunullu uppernarsaatinik tunniussisarneq – UNIO Fødevarestyrelsen-imit assersuutigalugu tammajuitsussanik annissuinermut atatillugu peqqissutsimut uppernarsaatinik tunniussinissamik piginnaatinneqarpoq
  • Fødevarestyrelsen suleqatigalugu Danmark-imi kalaallit napparsimasut angerlarsimaffiannut nerisassanik annissuinerit
  • Innuttaasunik sullissinerit – uumasut nerisassallu tungaasigut paasissutissiisarneq, taakkununnga ilaallutik soorlu uumasunik ingiallorteqarneq nerisassanillu eqqussuineq annissuinerlu

Uumasut nakorsaqarnerup nerisaqarnerullu tungaasigut Namminersorlutik Oqartussat aamma Fødevarestyrelsen-ip akisussaanerup tungaatigut suleqatigiinnerat pillugu allanik atuarsinnaavutit – www.fvst.dk.

Allaaserisat attuumassutillit

Uumasut Nakorsaqarfia Inuussutissalerinermullu Oqartussaqarfik (VFMG)
Postboks 269
3900 Nuuk

Oqarasuaat: (+299) 34 50 00
Fax: (+299) 34 63 55
E-mail: uumasut@nanoq.gl

Aallaqqaasiutigalugu qinnuigissavassi Uumasut Nakorsaqarfia Inuussutissalerinermullu Oqartussaqarfik-mut saaffiginnissutit tamarmik uunga nassiunneqassasut uumasut@nanoq.gl