Saarullinniarneq

Nalinginnaasumik paasissutissiineq 

Aalisagaq ataaseq pingaartumik aalisarneqartartoq tassaavoq saarullik. Saarullik kangerlunni aamma sinerissami uumasuuvoq. Ilaatigut uillut, siuteqqut, ammassaat, suluppaakkat kinguppaallu nerisarisarpai. Saarullik ukioq kaajallallugu aalisarneqarsinnaavoq.

Inuussutissarsiutigalugu aalisartuuguit saarullinniartarniaruit aalisarnermut akuersissummik peqartuaannartariaqarputit.

Sunngiffimmi aalisartutut saarullinnik nammineq atugassannik saarullinniarsinnaavutit aalisarnermut akuersissummik peqanngikkaluarlutit.

Saarullinniarneq avataasiorluni aamma sinerissap qanittuani aalisarnermut avitaavoq.

Illit kommunerisanni saarullinniarneq pillugu immikkut ittunik maleruagassanik illit kommunerisat akuersissuteqarsinnaavoq, assersuutigalugu aalisarnermi atortut suut atorsinnaaneritit kommunit ataasiakkaat namminneq aalajangersinnaavaat. Saarullinnialersinnak aalajangersakkat taakku misissorluarsimanissaat illit pisussaaffigaat.

Piumasaqaatit 

Sinerissat qanittuani aalisarnermi qassutit atorneqaqqusaanngillat. Kommunilli ataasiakkaat, sumiiffinni pissutsit ajornartinngippassuk assersuutigalugu qassutinik aalisarneq aalisakkanik nungusaataanissaa aarlerinartoqanngippat, qassutinik aalisarneq akuersissutigisinnaavaat.

Aalisarnermut akuersissummik qinnuteqarneq 

Inuussutissarsiutigalugu aalisartuuguit saarullinniartarniaruit aalisarnermut akuersissummik peqartuaannartariaqarputit. Aalisarnermut akuersissutit sinerissap qanittuani avataasiorlunilu aalisarnermut atuuttussanngorlugit atulersinneqartarput.

Akuersissut ukiumut pisassiiffiusumut ataatsimut atuutsinneqartarpoq, taamaattumik ukiut tamaasa akuersissummik qinnuteqartassaatit. Ukioq pisassiiffiusoq 1. januar-imiit 31. december tungaanut atuuppoq.

Taamaattoq eqqumaffigissavat akuersissut pigilikkat akuersissummi ulloq suna atuutilernersoq allaqqanera taamaallaallu ukiup pisassiiffiusup naanissaata tungaanut atuunnera.

Sinerissap qanittuani saarullinniarneq
Sinerissap qanittuani saarullinniarnissamut akuersissummik qinnuteqarniaruit, kommunerisanni inuussutissarsiornermut siunnersortimut saaffiginnissaatit.

2017-imi sinerissap qanittuani inuussutissarsiutigalugu saarullinniarnissamut qinnuteqarneq

Sinerissap qanittuani saarullinniarnermut akuersissummik peqaruit, Kalaallit Nunaanni pisatit tunitsivimmut imaluunniit umiarsuarmut tunitsivittut atorneqartumut niussavatit.

Aalisarnermut akuersissutit tunisininni tamatigut takutittassavat:
• Aalisariut 9,4 meter-it inorlugit angissuseqarpat, pisavit nalunaarutiginissaannut tunitsiviup pisussaaffigaa
• Aalisariut 9,4 meter-it sinnerlugit angissuseqarpat, pisatit nammineq nalunaarsortassavatit
• Aalisariut 9,4 meter-it sinnerlugit taavalu 90 BRT/120 BT inorlugu angissuseqarpat, pisatit pillugit nalunaarsukkatit tunitsivimmut tunniutissavatit
• Aalisariut 90 BRT/120 BT-mit angineruppat, pisatit pillugit nalunaarsuut uunga nassiutissavat GFLK, Postboks 501, 3900 Nuuk

2016-imi sinerissap qanittuani saarullinniarnermi pisassiissutit 25.000 tonsinut aalajangiunneqarput.

Uani link-imi iserfigineqarsinnaasumi sinerissap qanittuani avataasiorlunilu saarullinniarnermut tunngatillugu TAC aamma pisassiissutit ukiut tamaasa tamanut saqqummiunneqartarput

Avataasiorluni saarullinniarneq
Avataasiorluni saarullinniarnissamut akuersissummik qinnuteqarniaruit Aalisarnermut Piniarnermullu Naalakkersuisoqarfimmut saaffiginnissaatit.

Avataasiorluni saarullinniarnermik ingerlatsiniaruit, ullut tamaasa pisatit nalunaarsortassavatit.

Avataasiorluni aalisarnermut aqutsiviit marluupput:
• Kalaallit Nunaata Kitaa
• Tunu

Kalaallit Nunaata Kitaani saarullinniarneq ukioq kaajallallugu pisinnaavoq. Tunumi saarullinniarneq 1. juli aallarnerfigalugu 31. december tungaanut saarullinniartoqarsinnaavoq.

2016-imi Tunumi avataasiorluni saarullinniarnermi pisassiissutit 16.000 tonsinut aalajangiunneqarput.

Uani link-imi iserfigineqarsinnaasumi sinerissap qanittuani avataasiorlunilu aalisarnermi TAC aamma pisassiissutit ukiut tamaasa tamanut saqqummiunneqartarput

Aalisarnermut akuersissutit pillugit paasissutissat uani atuarsinnaavatit

Naammagittaalliuuteqarneq 

Isumaqaruit pissusissamisuunngitsumik itigartinneqarsimallutit, naammagittaalliuuteqarsinnaavutit uunga apn@nanoq.gl.

Qaasuitsup Kommunia
Postbox 1023
3952 Ilulissat

Oqarasuaat: (+299) 94 78 00
Fax: (+299) 94 25 52
E-mail: qaasuitsup@qaasuitsup.gl
Nittartagaq: http://www.qaasuitsup.gl

Aalisarnermut Piniarnermullu Naalakkersuisoqarfik
Imaneq 1A, 701
Postboks 269
3900 Nuuk

Oqarasuaat: (+299) 34 50 00
Fax: (+299) 34 63 55
E-mail: apnn@nanoq.gl
Nittartagaq: www.naalakkersuisut.gl