Port State Control

Port State Control 

Aalisarnermik nakkutilliisut pisortat oqartussaasoraat, qularnaagassaraallu aalisarneq maleruagassat naalakkersuinikkut aalajangiunneqartut malillugit ingerlanneqassasoq. Kalaallit Nunaanni Aalisarsinnaanermut Akuersissutinik Nakkutilliisoqarfik (KANUAANA/GFLK) Kalaallit Nunaanni nakkutilliinermik ingerlatsisuupput. Aalisarnermik nakkutilliinerup ilagaa, Port State Control-imik (PSC) taaneqartoq, umiarsualivimmut tulaassinermi nakkutilliinerusoq.

PSC atuuppoq makku tulaanneranni

  • Aalisakkanik tunisassiat qerisut NEAFC-ip imartat pillugit isumaqatigiissutaanneersunut (42 W-ip kangiani)
  • Aalisakkanik tunisassiat nunat tamalaat imartaanneersunut, NAFO-p imartat pillugit isumaqatigiissutaanneersunut (42 W-ip kitaani)


Oqartussat tamatigut marluusarput, pisarisat tulaannerannik akuersisussat: Naalagaaffiup Erfalasunut oqartussaasui pisarisat pillugit paasissutissanik uppernarsaasutut aamma Naalagaaffiup Umiarsualivinnut oqartussaasui akuersisutut immaqalu tulaassanik nakkutilliisartutut. Kalaallit Nunaannut umiarsuit nunanit allaneersut Naalagaaffiup Umiarsualivinnut oqartussaasuattut aamma kalaallit umiarsuaannut, nunani allani umiarsualivinnut tulaassisunut Naalagaaffiup Erfalasunut oqartussaasuisut KANUAANA atuuppoq.

Tunisissaguit, tulaassineq ullunik suliffiusunik pingasunik sioqqullugu pisarisimasavit amerlassusaat nalinginnaasumik nalunaarutigisussaavatit. Norge-mi tulaassiguit, tulaassineq akunnernik 24-inik sioqqutsisumik nalunaaruteqarnissat utaqqissinnaavat. PSC-nik immersuiffissat atorlugit nalunaaruteqassaatit. Immersuiffissat assigiinngitsut marluupput, tamatumani nammineq pisarisatit tuniniarneritit imaluunniit angallatip allap pisarisai nuunneqarsimasut tuniniarneritit aallaaviussaaq.

PSC-nik immersuiffissat nittartakkani pingasuusuni tulliuttuni pissarsiarisinnaavatit:


Umiarsualivimmut pisarisavit tulaanneqarfissaanni taliffigisanni Naalagaaffiup Umiarsualivinnut oqartussaasuinut immersuiffissat tunniutissavatit. Attaviit najugarisaat, e-mail-it aamma fax-normut kiisalu umiarsualiviit akuerisaasut, NEAFC-ip aamma NAFO-p nittartagaanni takuneqarsinnaapput. Naalagaaffiup Umiarsualivinnut oqartussaasui immersuiffissat Naalagaaffiup Erfalasunut oqartussaasuinut nassiuttarpaat, tassani immersugassat uppersarneqassapput Naalagaaffiullu Umiarsualivinnut oqartussaasuinut utertillugit, tamatuma kingorna tulaanneqartut tassannga akuerineqarsinnaapput akuerineqarnatilluunniit.


Malugiuk
Aalisarnermik nakkutilliisut suleqatiginissaannut pisussaaffeqarputit. Taama iliunngikkuit mianersoqqussummik tunineqarsinnaavutit, pisatit arsaarinnissutigineqarlutik imaluunniit politiinut nalunaarutigineqarsinnaavutit akiligassinneqarlutillu.

Nunap allap aalisarnermut killeqarfiata iluani aalisaruit, nunap pineqartup oqartussaasuisa toqqagaanni umiarsualivimmut pisarisatit taamaallaat tulaassinnaavatit.

Nunat allamiut umiarsuaat, PSC-imut ilaasut, Nuummut taamaallaat tulaassisinnaapput.

Allaaserisat attuumassutillit

Kalaallit Nunaanni Aalisarsinnaanermut Akuersissutinik Nakkutilliisoqarfik (KANUAANA)
Indaleeqqap Aqq. 3
Postboks 501
3900 Nuuk

Oqarasuaat: (+299) 34 50 00
Fax: (+299) 34 63 60
E-mail: gflk@nanoq.gl
Nittartagaq: www.naalakkersuisut.gl