Umiarsuup ullorsiutai (Logbog)

Umiarsuup ullorsiutai (Logbog) 

Aalisarnermik nakkutilliineq pisortat oqartussaaffigaat, qularnaassallugu aalisarneq maleruagassat naalakkersuinikkut aalajangiunneqartut malillugit ingerlanneqassasoq. Tamanna ilaatigut aalisarnerup ingerlanneqarnissaa piujuaannartitsisoqarneratigut tamatuma qulakkiissavaa. Aalisarnermik nakkutilliineq ilaatigut aalisarnermik nakkutilliinertigut ilaatigullu nalunaaruteqartarnikkut ingerlanneqartarpoq.

Nalunaaruteqarneq periutsit marluk atorlugit pisarpoq. Tamanna angallativit qanoq angitigineranit aallaaveqartarpoq: 

  • Angallatit 30 fod/9,4 meter-init mikineruppat, tunisiffigisartakkannut pisarisatit nalunaarutigissavatit
  • Angallatit 30 fod/9,4 meter-imit angineruppat, umiarsuup ullorsiutaanik peqassaatit


Umiarsuup ullorsiutai uppernarsaataapput, pisarisavit nalunaarsorneranut. Aalisariarnitit tamaasa umiarsuup ullorsiutai allattuiffigisassavatit.

Tulatsinnak imaluunniit tunitsivigisartakkat tikitsinnagu umiarsuup ullorsiutai illit immersorlugillu ataatigut atsiussavatit. Ulloq tunisiffigisat aamma pisavit amerlassusiat, aatsaat tunisinerit naammassereerpat immersussavatit.

Tunisiguit, tunisiffigisavit umiarsuup ullorsiutai pigisatit naqissusissavaa. Umiarsuup ullorsiutaasa quppernerat ataaseq assinga tigummiinnassavat, tunisiffigisavillu umiarsuup ullorsiutaasa sinneri Kalaallit Nunaanni Aalisarsinnaanermut Akuersissutinik Nakkutilliisoqarfimmut (KANUAANA/GFLK) nassiutissavaat. Umiarsuup ullorsiutaani immersugassami pigisanni kukkuguit, nutaamik immersuissaatit, eqqaamassavalli immersugaq kukkuneqarsimasoq aamma tunniunneqassammat.

Umiarsuup ullorsiutaani immersugassap pissarsiarinerata peqatigisaanik immersuinermut ilitsersuut pissarsiarissavat. Umiarsuup ullorsiutaani immersugassat assigiinngitsuupput, taamaammat eqqaamagiuk aalisakkat sorliit aalisarnerlugit nalunaarutigissagakku.

Umiarsuup ullorsiutaanik immersuiffissamik pissarsiniaruit, taava saaffiginnissaatit Kalaallit Nunaanni Aalisarsinnaanermut Akuersissutinik Nakkutilliisoqarfimmut (KANUAANA/GFLK). Sumiiffimmi tunitsivigisartakkannut aamma saaffiginnissinnaavutit.

Ilitsersuutit toqqaannartumik aamma pissarsiarisinnaavatit KANUAANA-p nittartagaani.


Malugiuk
Umiarsuup ullorsiutai paasissutissanik pingaarutilinnik, aalisakkat assigiinngitsut aamma peqassuseq pillugit imaqartarmata, taakku, aalisakkat ataasiakkaat aamma pisassiissutit pillugit Naalakkersuisunut aalisarneq pillugu siunnersuinermi Pinngortitaleriffimmit atorneqartarput.

Allaaserisat attuumassutillit

Kalaallit Nunaanni Aalisarsinnaanermut Akuersissutinik Nakkutilliisoqarfik (KANUAANA)
Indaleeqqap Aqq. 3
Postboks 501
3900 Nuuk

Oqarasuaat: (+299) 34 50 00
Fax: (+299) 34 63 60
E-mail: gflk@nanoq.gl
Nittartagaq: www.naalakkersuisut.gl