Angallatinik nakkutiginninneq

Nalinginnaasumik paasissutissiineq 

Kalaallit Nunaanni Aalisarsinnaanermut Akuersissutinik Nakkutilliisoqarfik (KANUAANA) pisortani oqartussaaffiuvoq naalakkersuinikkut aalajangikkanik maleruagassanik tunngaveqarluni aalisarnerup ingerlanneqartarnissaanik qularnaarinnittussaq. Angallatinik nakkutiginninneq aalisarnermik nakkutilliinerup ilagaa.

Angallatinik nakkutiginninneq qaammataasatigut atortorissaarutit atorlugit aalisariutit sumiinneri nakkutigineqartarput. Tamatuma kingunerisaanik aalisariutit aalajangersimasut qaammataasatigut atortorissaarutinik ikkussuinissamik pisussaaffeqarput. Tamanna inuussutissarsiutigalugu aalisarnermik ingerlatsisinnaanerannut piumasaqaataavoq.

Aalisarnermik nakkutilliinermi suleqatigiinnissamut pisussaaffeqarputit. Taamak iliunngikkuit mianersoqqussummik tunineqarsinnaavutit imaluunniit politiinut nalunaarutigineqarsinnaavutit akiligassinneqarlutillu.

Nakkutiginninnermut atortulersuutinik ikkussuineq 

Nakkutilliinermut atortulersuutinik ikkussuisussaavutit, imaappat:
• Angallatit oqimaassutsimigut 50 BRT/BT 90-iuppat angineruppallu
• Kalaallit Nunaata aalisarsinnaanermut killeqarfiata iluani aalisakkanik imaluunniit aalisakkanik tunisassianik usilersorsimasutit, aalisariutaativit angissusia sumiluunniit najugaqarnera apeqqutaatinnagu
• Nunat tamalaat suulluunniit aalisarfigisinnaasaanni aamma nunat allat killeqarfiisa iluanni aalisaruit

Nunanit allaneersut aalisariutit tamakkerlutik, qanorluunniit angissuseqarunik, Kalaallit Nunaata aalisarsinnaanermut killeqarfiata iluani aalisartut, qaammataasatigut atortulersuutinik ikkussuiffigineqarsimallutillu ikumatitsissapput.

Piginnittutut atortulersuutit aamma angallatinik nakkutilliinermut atortulersuutit inatsisitigut pisussaaffiusut (FOE) pisiarinerannut, ikkussornerinut atornerannullu akiliissaatit:

Nakkutilliinermut atortulersuutit (FOE) akuerineqartut ukuupput:
• Sinerissamut qanittumi aalisariutinut atortulersuutit Argos, Leo, Thorium, Watch Dog imaluunniit Sirius One atortorissavatit
• Avataani aalisariutinut atortulersuutit Inmarsat C uanngaanneersoq Thrane & Thrane, Leo aamma Sirius One atussavat

Allorniusaq sanimukartoq qaffasissumi, tassa 75°N avannaani aalisarnermi nalinginnaasumik Inmarsat-C FOE atorneqarsinnaanngilaq.

Kalaallit Nunaata killeqarfiata avataani aalisaruit, oqartussaasunut susassaqartunut illit sumiinnerit nakkutilliinermi atortulersuutit isumaminnik nassiussussavaat. Nunat ataasiakkaat aamma nunanut tamalaanut maleruagassat erseqqinnerusumik ilisimassallugit pisussaavutit.

Nalunaartussaatitaaneq 

FOE ikkussuukkukku piiarluguluunniit, tamanna KANUAANA-mut nalunaarutigissavat. Taamak iliussaatit uppernarsaatip Qaammataasakkut nakkutilliinerup immersorneratigut. Suliffeqarfik ikkussuussisoq taannaasinnaavoq KANUAANA-mut nalunaaruteqartoq.

Qaammataasakkut nakkutilliinermut uppernarsaat maana aajuk

FOE atorsinnaanngippat, tamanna KANUAANA-mut erngersumik nalunaarutigissavat. Angallatit tulaqqappat, FOE iluarsaanneqarsinnagu aallarsinnaanngilatit.

Aalisarnerup nalaani FOE aserorpat, umiarsualivimmut talinneq siulleq iluarsaanneqarnissaa isumagissavat. FOE atorsinnaatinnagu aalisariarsinnaanngilatit. Taamaattoq sumiinnerit nammineerlutit ullut tamaasa KANUAANA-mut nalunaarutigisarukku aalisarnerit ingerlatiinnarsinnaavat.

Allaaserisat attuumassutillit

Kalaallit Nunaanni Aalisarsinnaanermut Akuersissutinik Nakkutilliisoqarfik (KANUAANA)
Indaleeqqap Aqq. 3
Postboks 501
3900 Nuuk

Oqarasuaat: (+299) 34 50 00
Fax: (+299) 34 63 60
E-mail: gflk@nanoq.gl
Nittartagaq: www.naalakkersuisut.gl